26.06.2026 | 12:02
Շախմատի աշխարհի 14-18 տարեկանների առաջնության ավարտին մնացել է մեկ խաղափուլ․ հայ պատվիրակների արդյունքները
Քաղաքական ուժերը ցանկանում են՝ ես լինեմ վարչապետի թեկնածու, որոշում դեռ չկա. Տավուշի թեմի առաջնորդ
Քաղաքականություն
18.05.2024 | 14:51
Ավարտվել է «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանի և մի շարք քաղաքական ուժերի ներկայացուցիչների հանդիպումը: Նրա տեղեկացմամբ՝ քաղաքական ուժերը ցանկություն են հայտնել, որ շարժման վարչապետի թեկնածուն լինի ինքը, բայց պաշտոնական որոշում չկա:
«Նման պաշտոնական որոշում չկա։ Այստեղ ներկա քաղաքական ուժերի ներկայացուցիչները ցանկություն և համախմբություն են հայտնել այս ամբողջ շարժմանն ու գաղափարին, ինչպես նաև համագործակցության մեծ դաշտ գոյացնելու»,- հանդիպումից հետո նշեց Տավուշի թեմի առաջնորդը:
Բագրատ արքեպիսկոպոս Գալստանյանը նաև հայտնեց, որ ինքը հաջորդ կիրակի պատրաստվում է հանդիպել Գարեգին Բ-ի հետ՝ հասկանալու, թե, ի վերջո, «իրենք շարունակելեւ են այս ճանապարով գնալ, թե՝ այլ»:
Հիշեցնենք, որ Տավուշի թեմի առաջնորդն այսօր փակ ձևաչափով հանդիպում էր քաղաքական մի շարք ուժերի ներկայացուցիչների հետ:
Մանյա Պողոսյան
