11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Տավուշի թեմի առաջնորդը հանդիպում է քաղաքական ուժերի ներկայացուցիչների հետ
18.05.2024 | 12:34
«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը հանդիպում է տարբեր քաղաքական ուժերի հետ: Մինչ հանդիպման մեկնարկը լրագրողների հետ զրույցում Տավուշի թեմի առաջնորդը հայտնեց, որ առաջին հերթին ծանոթանալու է նրանց հետ և ներկայացնի իրավիճակը:
Հարցին՝ հնարավո՞ր է արդյոք, որ ընդդիմության վարչապետի թեկնածուի անուն քննարկվի, Գալստանյանը չբացառեց։ «Հնարավոր է քննարկվի այդ հարցը։ Ամեն ինչ հնարավոր է։ Մենք պարզ, լայն քննարկման ենք հրավիրել։ Շատերն ասում էին, որ պետք չէ բոլորին հրավիրել, բայց ոչ՝ բոլորին հարգում ենք։ Տերն ինչպես կամենա, այդպես էլ ամեն ինչ կհասնի իր հանգրվանին»,- նշեց նա:
Անդրադառնալով նախկին նախագահներին հետ հանդիպման հարցին, Տավուշի թեմի առաջնորդը պատասխանեց, որ «նրանք ճանապարհ անցած մարդիկ են»՝ միաժամանակ մեջբերով աստվածաշնչյան ասույթը՝ «Կյանքի օրինաչափություն է՝ հին տիկերի մեջ նոր գինի չի լցվում»։ Արդեն քաղաքական ուժերի հետ հանդիպման ընթացքում Բագրատ արքեպիսկոպոս Գալստանյանը հայտարարեց, որ այս պահին «մեր ժողովրդի գոյության հարցն է դրված, իսկ իշխանության հեռացման գործընթացը պետք է տեղի ունենա օրենքի շրջանակում»: Քաղաքական ուժերի հետ հանդիպումն այնուհետև անցավ փակ ձևաչափի։
