28.11.2024 | 23:27
Վրաստանում ցուցարարները շարժվում են դեպի խորհրդարան
ԱՄՆ-ն Սիրիայում Թուրքիայի սահմանը նշանառող ռադարային համակարգ է տեղակայում
Քաղաքականություն
27.08.2018 | 21:00
Սիրիային սահմանամերձ թուրքական Սուրուչ բնակավայրի հարևանությամբ՝ Սիրիայի տարածքում գտնվող Քոբանի բնակավայրում ԱՄՆ զինված ուժերը ռադարային համակարգ են տեղակայում. փոխանցում է ermenihaber-ը:
Չնայած թուրքական կողմի բարձրացրած աղմուկին և «Քուրդիստանի բանվորական կուսակցության» (ՔԲԿ-PKK) սիրիական թևը հանդիսացող «Ժողովրդական ինքնապաշտպանական ջոկատներ»-ին (ԺԻՋ-YPG) անթաքույց աջակցելու մեջ ԱՄՆ-ի հասցեին Թուրքիայի հնչեցրած մեղադրանքներին՝ ԱՄՆ զինված ուժերն արդեն սկսել են ռադարային համակարգի մոնտաժման աշխատանքները:
Թուրքական կողմը դժգոհություն է հայտնել նաև «Ժողովրդական ինքնապաշտպանական ջոկատների» հետ հանդիպման նպատակով ԱՄՆ պետքարտուղարության պատվիրակության զորակցական այցերի կապակցությամբ, որը գլխավորում է Բահրեյնում ԱՄՆ նախկին դեսպանը:
