20.04.2026 | 09:48
Արտարժույթների փոխարժեքները՝ ապրիլի 20-ի դրությամբ
Խոշոր հրդեհ՝ «Շոփինգ Սիթի»-ում․ տեսչական մարմինը երբևէ ստուգումներ չի արել կենտրոնում. ՏԵՍԱՆՅՈՒԹ
Հասարակություն
17.05.2024 | 19:30
Գիշերը խոշոր հրդեհ է բռնկվել Երևանի Արշակունյաց 17 հասցեում գործող «Շոփինգ Սիթի» առևտրի կենտրոնում։ ՆԳՆ փրկարար ծառայությունից տեղեկացնում են, որ ժամը 03:51-ին ազդանշանը ստացվել է «ՍՕՍ ՍԻՍԹԵՄՍ» հակահրդեհային ազդարարման համակարգով։ Կրակը մեկուսացվել է ժամը 06:42-ին, մարվել՝ 07։11-ին:
«Հրդեհի հետևանքով այրվել է մոտ 1000 քմ տարածքում գտնվող 6 տաղավար, ջերմահարվել՝ մոտ 1500 քմ տարածքում գտնվող տաղավարները»,- նշված է պաշտոնական հաղորդագրության մեջ։
Տաղավարներից մեկի աշխատակցուհին Factor TV-ին փոխանցեց, որ ամենամեծ վնասն իրենք են կրել, այրվել է 10 միլիոն դրամի ապրանք։
«Մեր խանութը տարածքում ամենամեծն է՝ խաղալիքներ, հեծանիվներ, ինքնագլորներ։ Երևի տանիքում բաց հոսանք է եղել, դրանից է հրդեհ բռնկվել»,- կարծիք հայտնեց աշխատակցուհին։
Քաղաքաշինության, տեխնիկական և հրդեհային անվտանգության տեսչական մարմնի մամուլի խոսնակ Ելենա Զոհրաբյանը Factor.am-ին փոխանցեց, որ տեսչական մարմինն այդ առևտրի կենտրոնում ստուգումներ չի իրականացրել, քանի որ տարեկան ստուգումների ցանկում ներառաված չէ։
Ըստ խոսնակի՝ տվյալ իրավիճակներում ստուգումներ իրականացվում են ահազանգերի դեպքում, պետական մարմինների գրությունների և լրատվամիջոցների հրապարակումների հիման վրա։
Այս հրդեհից հետո տեսչականը ստուգումներ կիրականացնի «Շոփինգ Սիթի» առևտրի կենտրոնում։
Մանրամասները՝ տեսանյութում։
