02.06.2026 | 23:22
Երևանի տներից մեկում բռնկված հրդեհը մարվել է
ՄԱԿ-ի աշխատակիցները կոչ են արել ՌԴ-ին՝ դադարեցնել հարձակումները Ուկրաինայի վրա
Քաղաքականություն
17.05.2024 | 20:48
ՄԱԿ-ի հումանիտար ոլորտի աշխատակիցները Ռուսաստանին կոչ են արել անհապաղ դադարեցնել զինված հարձակումները Ուկրաինայի վրա, քանի որ ռազմական գործողությունների ակտիվացումը հանգեցնում է քաղաքացիական զոհերի և տեղահանվածների թվի աճին, գրում է VOA-ն։
«Մենք տեսնում ենք, թե ինչպես են մարդիկ տարհանվում ինտենսիվ մարտերի տարածաշրջաններից կամ փախուստի դիմում։ Կարելի է պատկերացնել, թե ինչ դժբախտություն է սա այնտեղ բնակվող խաղաղ բնակչության համար։ Նրանցից շատերն իսկապես դժվարանում են հասկանալ՝ ինչ անել: Շատերն իսկապես չեն ցանկանում հեռանալ: Դա նշանակում է՝ լքել իրենց տները, թողնել իրենց կենդանիներին, իրենց բանջարանոցները, այգիները, դա իսկապես շատ անձնական հարված է»,- Ժնևում լրագրողներին ասել է ՄԱԿ-ի Մարդու իրավունքների գերագույն հանձնակատարի խոսնակ Լիզ Թրոսելը:
Ուկրաինայի մեծությամբ երկրորդ քաղաքի՝ Խարկովի շրջանում հարձակում սկսելուց հետո ռուսական զորքերը գրավել են նոր ուկրաինական տարածքներ և վերահսկողության տակ վերցրել մի քանի փոքր բնակավայրեր:
«Վերջին մի քանի օրերի ընթացքում Խարկովի մարզում հարձակումների մի քանի ալիքներ հանգեցրել են մեծ թվով խաղաղ բնակիչների, այդ թվում՝ երեխաների շարքում զոհվրի և վիրավորվների»,- ասել է ՄԱԿ-ի հումանիտար հարցերի համակարգման գրասենյակի հումանիտար ֆինանսավորման և ռեսուրսների մոբիլիզացման բաժնի ղեկավար Լիզա Դաուտենը Անվտանգության խորհրդում ճեպազրույցի ժամանակ։
