06.04.2026 | 18:17
Որքան է ծախսել «Լուսավոր Հայաստան»-ը․ Մարուքյանը կուսակցության ֆինանսավորմանը մասնակցություն չի ունեցել
Սլովակիայի վարչապետն այլևս վիրահատության չի ենթարկվի
Քաղաքականություն
17.05.2024 | 17:51
Բժիշկներն այլևս չեն ծրագրում վիրահատել մահափորձի հետևանքով վիրավորված Սլովակիայի վարչապետ Ռոբերտ Ֆիցոյին։ Այս մասին տեղական Pravda-ին ասել է երկրի նորընտիր նախագահ Պիտեր Պելեգրինին։
Նա հաստատել է, որ երկուշաբթի՝ մայիսի 20-ին, տեղի կունենա բժշկական հանձնաժողովի նիստ, որտեղ կորոշվի Ֆիցոյին «իր բնակության վայրին՝ մայրաքաղաք Բրատիսլավային ավելի մոտ»՝ տեղափոխելու հարցը։ Ներկայում կառավարության ղեկավարը գտնվում է Բանսկա Բիստրիցայի հիվանդանոցում։
«Սակայն դա դեռ շատ հեռու է։ Վարչապետին առջևում կրիտիկական ժամեր և օրեր են սպասվում, որպեսզի հաշտվի այն ամենի հետ, ինչ կարող է պատահել իրեն լուրջ վիրահատությունից հետո»,- եզրափակել է Պելեգրինին:
Հիշեցնենք, որ մայիսի 15-ին Բրատիսլավայից 150 կիլոմետր հեռավորության վրա գտնվող Հանդլովա քաղաքում մահափորձ է իրականացվել Սլովակիայի վարչապետ Ռոբերտ Ֆիցոյի դեմ։
Հարձակվողին տեղում ձերբակալել են։ Պարզվել է, որ նա 71-ամյա գրող Յուրաջ Ցինտուլան է։ Տղամարդը նման քայլի է դիմել՝ քաղաքական դրդապատճառներից ելնելով։
