02.10.2026 | 23:03
Թրամփը խորհրդակցել է Grok նեյրոցանցի հետ, թե ինչպես վենեսուելացիները կվերաբերվեն Մադուրոյի տապալմանը․ Time
ՀՀ իշխանությունը չի խախտի ՌԴ-ի կարմիր գծերը, կմնա ռեգիոնալիզմի, այսինքն՝ ռուս֊ադրբեջանական ազդեցության գոտում․ Էդուարդ Աբրահամյան․ ՏԵՍԱՆՅՈՒԹ
Քաղաքականություն
17.05.2024 | 20:00
ՀՀ իշխանությունը պնդում է, որ Հայաստանի Հանրապետությունից մեկ սանտիմետր հող չի զիջվել Ադրբեջանին, և սահմանազատումն արվում է՝ խաղաղություն ունենալու համար։ Պնդում են՝ սահմանի լեգիտիմությունը ապահովելու է ավելի մեծ անվտանգություն։ Մինչդեռ, ընդդիմադիր քննադատները նշում են, թե Ալմա-Աթայի հռչակագրով սահմանազատում անելն անօրինական է, պետք է կանգնեցնել, պետք է առաջնորդվել հրադադարի գծի տրամաբանությամբ։ Միջազգային հարաբերությունների դոկտոր, Անվտանգային վերլուծությունների ինստիտուտի ավագ փորձագետ Էդուարդ Աբրահամյանին հարց ուղղեցինք՝ ինչպե՞ս է գնահատում Հայաստանի և Ադրբեջանի միջև այսօր ընթացող սահմանազատման գործընթացը։
«Հարցը կբաժանեի երկու մասի․ ինչ է իրենից ենթադրում ուժի և ճնշման միջոցով այս սահմանագծում կոչվածը, որը որևէ կապ չունի միջազգայնորեն ընդունված կարգերի և նորմերի հետ։ Սա, բնականաբար, Արդբեջանի հերթական հաղթանակն է, որի մասին հայտարարել է Ալիևը։ Իրենք, իմ պատկերացմամբ, ունեն 2 պլան ՀՀ-ի հետ կապված, դա օկուպացիոն և էքսպանսիոնիստական քաղաքականությունն է կամ Հայաստանն ամբողջապես Ադրբեջանի աշխարհաքաղաքականության մաս դարձնելն է, ազդեցության գոտու մեջ մտցնելը։ Այս տրամաբանության մեջ է ընթանում միակողմանի սահմանազատման և սահմանագծման պրոցեսը»,- նշեց Աբրահամյանը։
Ըստ Անվտանգային վերլուծությունների ինստիտուտի ավագ փորձագետի՝ սահմանազատում իրականացնելը չի կարող երաշխավորել անվտանգություն այն պայմաններում, երբ Ադրբեջանը Հայաստանն իր տարածքն է համարում, իսկ հայկական պետությունը՝ անօրինական։ Ըստ Աբրահամյանի՝ ՀՀ վարքագծից կախված չէ՝ Ադրբեջանը ուժային ճնշում կգործադրի, թե ոչ։
Հարցազրույցն ամբողջությամբ՝ տեսանյությում։
Ռոբերտ Անանյան
