23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Մոլդովան ԵՄ-ին անդամակցելու հարցով հանրաքվե կանցկացնի հոկտեմբերի 20-ին
Քաղաքականություն
17.05.2024 | 15:59
Մոլդովայի խորհրդարանն այսօր հաստատել է հոկտեմբերի 20-ին Եվրամիությանը երկրի անդամակցելու հարցով հանրաքվե անցկացնելու որոշումը։ Կողմ է քվեարկել 101 պատգամավորներից 56-ը, բացարձակ մեծամասնությունը իշխող «Գործողություն և համերաշխություն» (ԳՀԾ) կուսակցության ներկայացուցիչներն են, փոխանցում է DW-ի ռուսական ծառայությունը։
Ապրիլի կեսերին Մոլդովայի Սահմանադրական դատարանը (ՍԴ) հաստատել է երկրի սահմանադրության մի շարք փոփոխություններ։ Այսպիսով, հանրապետության հիմնարար օրենքը կհամալրվի «Եվրոպական ինտեգրացիա» բաժնով, որը կներառի «ԵՄ-ի հիմնադիր պայմանագրերին միանալու և ԵՄ հիմնադիր պայմանագրերի վերանայման ակտերի մասին» հոդվածը։
Սահմանադրության մեջ նորամուծությունների մասին օրինագիծն ուժի մեջ կմտնի այն բանից հետո, երբ Սահմանադրական դատարանը պաշտոնապես հաստատի հանրաքվեի արդյունքները։
Համաժողովրդական քվեարկությունը տեղի կունենա նախագահական ընտրությունների հետ նույն օրը։ Պետության ղեկավարի պաշտոնը Մայա Սանդուն զբաղեցնում է 2020 թվականի դեկտեմբերից։ Նա մտադիր է առաջադրվել երկրորդ նախագահական ժամկետի համար։
Մոլդովայի նախագահը 2022 թվականի մարտին ստորագրել է Եվրամիությանն անդամակցելու դիմումը։ Մի քանի ամիս անց հանրապետությունը ստացել է ԵՄ անդամակցության թեկնածու երկրի կարգավիճակ։ 2023 թվականի դեկտեմբերի 14-ին, երկօրյա գագաթնաժողովից հետո, Եվրոպական խորհուրդը որոշել է բանակցություններ սկսել Քիշնևի հետ Եվրամիությանն անդամակցելու շուրջ։
