02.06.2026 | 23:13
Հայաստանի մի շարք հասցեներում էլեկտրաէներգիայի անջատումներ կլինեն
Զելենսկին հայտարարել է Խարկովի մարզում ռուսական հարձակման հետ կապված իրավիճակի կայունացման մասին
Քաղաքականություն
17.05.2024 | 13:45
Ուկրաինայի նախագահ Վլադիմիր Զելենսկին հայտարարել է, որ երկրի զինված ուժերին հաջողվել է կայունացնել իրավիճակը Խարկովի մարզի հյուսիսում ռուսական զորքերի հարձակման հետ կապված։ Նրա խոսքով՝ ռուսական զորքերը 10 կմ-ի առաջխաղացում ունեն։
«Գլխավորն այն է, որ այսօր մեր պաշտպանական ուժերով իրավիճակը կայունացել է։ Մեր պաշտպանության ուժերը կանգնեցրել են ռուսներին այնտեղ, որտեղ նրանք հիմա գտնվում են։ Նրանց առաջխաղացման ամենախորը կետը 10 կիլոմետր է։ Թշնամու որոշ բրիգադների ուղղություններով ընդհանրապես առաջընթաց չկա և չի եղել»,- ասել է Զելենսկին։
Նրա տեղեկացմամբ՝ առարկայական հանդիպում է ունեցել զինված ուժերի գլխավոր հրամանատար Ալեքսանդր Սիրսկիի, միացյալ ուժերի հրամանատար Յուրի Սոդոլի, Գլխավոր շտաբի պետի ռազմական պատրաստության գծով տեղակալ Միխայիլ Դրապատիի, Պետական սահմանային ծառայության նախագահ Սերգեյ Դեյնեկոյի և Ազգային ոստիկանության ներկայացուցիչների հետ։
Զելենսկին նաև ասել է, որ ռուսական կողմը չի հասել «պաշտպանության բետոնե գծերին», այլ միայն առաջին գծին։ Նա նաև հայտարարել է՝ հակառակորդի հիմնական նպատակը Վոլչանսկ քաղաքն է, բացի այդ՝ նրանք ցանկանում են գրավել 10 կմ-անոց գոտի։
