Տասնյակ անօդաչու սարքեր գրոհել են Նովոռոսիյսկը, Տուապսեն և Սևաստոպոլը

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Ուրբաթ գիշեր ավելի քան 100 անօդաչու թռչող սարքերով հարձակման են ենթարկվել Ռուսաստանի երեք շրջաններ և բռնակցված Ղրիմը, ՌԴ պաշտպանության նախարարության հաղորդագրությանը հղում անելով հաղորդում է BBC-ի ռուսական ծառայությունը։

Հայտարարության համաձայն՝ Ղրիմի տարածքում ոչնչացվել կամ որսացվել է 51 կամիկաձե անօդաչու թռչող սարք, Կրասնոդարի երկրամասում՝ 44 անօդաչու թռչող սարք, ևս վեց անօդաչու թռչող սարք խոցվել է Բելգորոդի մարզում, ևս մեկը՝ Կուրսկում։

Կրասնոդարի երկրամասում հարձակման են ենթարկվել Նովոռոսիյսկը և Տուապսեն։ Շրջանի նահանգապետ Վենիամին Կոնդրատևը գիշերը հայտնել է, որ Նովոռոսիյսկի վրա հարձակման ժամանակ 10-ից ավելի անօդաչու թռչող սարքեր են ճնշվել և «տեղային հրդեհներ են առաջացել»։

«Օստորոժնո, նովոստի» Telegram ալիքը պնդում է, որ քաղաքի վրա զանգվածային հարձակման ժամանակ ավելի քան 30 պայթյուն է հնչել։

«Առավոտյան մոտ ժամը երեքից լսվել են կրակոցներ և պայթյուններ։ Առավոտյան ժամը չորսին օդային տագնապի ազդանշան է միացվել։ Դեռ կրակոցներ և պայթյուններ կան, իսկ հիմա առավոտյան ժամը 5-ն է»,- պատմել է տեղի բնակիչներից մեկը:

Նովոռոսիյսկում օդային տագնապի ազդանշանը չեղարկվել է միայն ժամը 7:00-ից հետո։ Քաղաքի բնակիչներին խնդրել են չլքել իրենց տները: Իշխանությունները չեն հայտնել, թե որն է եղել Նովոռոսիյսկում հարձակման թիրախը։ Astra Telegram ալիքը պնդում է, որ պայթյուններից հետո նավահանգիստը հոսանքազրկվել է։

Անօդաչու սարքերը հարձակվել են նաև Տուապսեի նավթավերամշակման գործարանի վրա, որը մեկ անգամ չէ, որ անօդաչու թռչող սարքերի թիրախ է դառնում: Ականատեսները տեսագրել են անօդաչու թռչող սարքի կործանման և գործարանի տարածքում բռնկված հրդեհի տեսանյութը։

Ընդհանուր առմամբ, եղել է երկու անօդաչու թռչող սարք, դրանցից մեկի անկման հետևանքով, հրդեհ է բռնկվել նավթավերամշակման գործարանի տարածքում, տուժածներ չկան, հայտնում են մարզպետարանի օպերատիվ շտաբից։ Հրդեհը տեղայնացվել է, բայց դեռ չի մարվել։

Բռնակցված Սևաստոպոլում՝ դպրոցներում և մանկապարտեզներում դասերը չեղարկվել են հոսանքի հովհարային անջատումների պատճառով, քանի որ Սևաստոպոլի ենթակայանը վնասվել է քաղաքի վրա զանգվածային հարձակումից հետո, ասվում է նահանգապետ Միխայիլ Ռազվոժաևի հայտարարության մեջ։ Վերանորոգումը կտևի առնվազն մեկ օր։
Օկտյաբրսկի գյուղում, որը գտնվում է Բելգորոդի մերձակայքում, մահացել են մի կին և նրա չորսամյա որդին, հայտնել է նահանգապետ Վյաչեսլավ Գլադկովը։ Նրա խոսքով՝ կամիկաձե անօդաչու թռչող սարքը հարվածել է մեքենայի, որում եղել են վարորդը և երեք ուղևոր։

Ուկրաինան պաշտոնապես չի մեկնաբանել այս հաղորդումները։