02.06.2026 | 22:30
ՀՀ ԱԳ փոխնախարարն ու Իսպանիայի պետքարտուղարը քննարկել են Հայաստան-ԵՄ օրակարգը
ՌԴ-ն և Չինաստանը կոչ են արել «չերկարացնել Ուկրաինայում պատերազմը»
Քաղաքականություն
16.05.2024 | 17:24
Ռուսաստանն ու Չինաստանը դեմ են Ուկրաինայում պատերազմի երկարացմանը, ասվում է ռուս-չինական գագաթնաժողովի արդյունքներով հրապարակված համատեղ հայտարարության մեջ, գրում է BBC-ի ռուսական ծառայությունը։
«Կողմերը նշում են ռազմական գործողությունների երկարացմանը և հակամարտության հետագա սրմանը նպաստող ցանկացած քայլ դադարեցնելու անհրաժեշտությունը, կոչ են անում կանխել դրա անցումն անվերահսկելի փուլի և ընդգծում են երկխոսության կարևորությունը՝ որպես ուկրաինական ճգնաժամի լուծման օպտիմալ ձև»,- նշվում է Կրեմլի կայքում հրապարակված հայտարարության մեջ։
Ռուսաստանը նաև հայտարարել է, որ ողջունում է Չինաստանի մասնակցությունը ճգնաժամի դիվանագիտական լուծմանը: Պեկին կատարելիք այցից առաջ ՌԴ նախագահ Վլադիմիր Պուտինը հայտարարել էր, որ աջակցում է Ուկրաինայի պատերազմի հետ կապված չինական խաղաղության ծրագրին։
Մինչդեռ, Ուկրաինայում և ԱՄՆ-ում նշում են, որ Չինաստանը, ներկայանալով որպես խաղաղարար, Ռուսաստանին «կեղծ պատմություն» է հաղորդում և չի դատապարտում նրա ագրեսիան։
