Տնտեսություն
27.08.2018 | 16:58Թեև Հայաստանի նոր սահմանադրության ամբողջական գործածումից հետո դադարեց գործել միջազգային տնտեսական ինտեգրման և բարեփոխումների նախարարությունը, սակայն այն դեռ ամբողջությամբ լուծարված չէ: Դեռ օգոստոսի 16-ին կառավարությունը որոշեց նախարարության գործունեության դադարեցման գործընթացի իրականացումը կազմակերպելու նպատակով ստեղծել աշխատանքային խումբ: Իսկ օգոստոսի 23-ի նիստի ժամանակ էլ որոշեց 2018 թվականի պետական բյուջեով Նախարարությանը հատկացված 174 մլն 486 հազար դրամ միջոցների մնացորդը, որն օգոստոսի 1-ի դրությամբ կազմում է 90 մլն 195 հազար 4 հարյուր դրամ, ուղղել վարչապետի աշխատակազմ և պահուստային ֆոնդ: Ի՞նչն է այստեղ ուշագրավ: Միջազգային տնտեսական ինտեգրման և բարեփոխումների նախարարությունը դադարել է գործել 2018 թվականի մայիսի 1-ից: Այսինքն, այս տարի գործել է ընդամեը 4 ամիս, սակայն ծախսել է 84 մլն 290 հազար 600 դրամ, այսինքն՝ տարվա ընթացքւմ տրամադրված միջոցների մոտ կեսը: Թե որքանով է մեր խնդրո առարկա նախարարության ծախսերը մտնում վատնումների տրամաբանության մեջ, չենք կարող ասել, սակայն փաստ է, որ լուծարված նախարարությունը գումարը ծախսել է «կիսամյակը չորս ամսում» ջանասիրությամբ:
Մանրամասն՝ տեսանյութում:
Սևակ Հակոբյան
