29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Մենք շատ լավ գիտենք տիկնիկավարին․ Էրդողանը՝ Թուրքիայում հեղաշրջման նախապատրաստման լուրերի մասին
Քաղաքականություն
15.05.2024 | 16:29
Թուրքիայի նախագահ Ռեջեփ Թայիփ Էրդողանը իր ղեկավարած իշխող «Արդարություն և զարգացում» կուսակցության խորհրդարանական խմբակցության նիստում անդրադարձել է հեղաշրջման կազմակերպման մասին տարածվող լուրերին։ Նա «հեղաշրջում» բառը չի օգտագործել, սակայն նշել է, որ գիտեն, թե ովքեր են կանգնած այդ ամենի հետևում։
«Մենք տեսնում ենք նրանց, որոնք խաթարում են Ենիքափըի ոգին, որպեսզի իրենց պարտքը տան FETO-ին, երբեք ձեռքերը ծալած չեն նստում։ Մենք տեղյակ ենք, թե որտեղ են նրանք, որոնք մարդկանց բաժանում են ծագման, տրամադրվածության և հավատքի հիման վրա, փորձում են հասնել իրենց միակ կապիտալին քաղաքականության մեջ։ Մենք շատ լավ գիտենք տիկնիկին, տիկնիկավարին։ Մենք այդ թակարդը չենք ընկնի։ Մեզ հարիր է արժանապատվությունը, խոնարհությունն ու հանդուրժողականությունը»,- ասել է Էրդողանը։
Նշենք, որ 2016 թվականին տեղի ունեցած հեղաշրջման փորձի կազմակերպման մեջ Էրդողանն ու նրա իշխանությունը մեղադրում են Ֆեթուլլահ Գյուլենի գլխավորած FETO շարժմանը։
Թուրքական լրատվամիջոցները այսօր ավելի վաղ հայտնել էին, որ Թուրքիայի նախագահ Էրդողանը նախագահականում շտապ խորհրդակցություն է հրավիրել Ազգային հետախուզական ծառայության (MİT) ղեկավար Իբրահիմ Քալընի և արդարադատության նախարար Յըլմազ Թունչի մասնակցությամբ։ Կեսգիշերին տեղի ունեցած խորհրդակցության օրակարգն Անկարայի ոստիկանությունից հեռացված ոստիկանապետերի նկատմամբ հետաքննությունն է եղել՝ հնարավոր հեղաշրջման փորձի հետ կապված։
Էմմա Չոբանյան
