01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
ՌԴ-ն ՀՀ-ում և Վրաստանում բողոքի ցույցերին Արևմուտքի արձագանքում երկակի ստանդարտներ է տեսնում․ ՏԵՍԱՆՅՈՒԹ
Քաղաքականություն
15.05.2024 | 13:24
ՌԴ-ն Հայաստանում և Վրաստանում բողոքի ցույցերին Արևմուտքի արձագանքում երկակի ստանդարտներ է տեսնում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ։
«Գիտեք՝ մենք միշտ ասում ենք, որ կոնկրետ երկրում ներքաղաքական կյանքն այդ ինքնիշխան պետության ներքին խնդիրն է։ Բայց այս դեպքում իսկապես Արևմուտքի արձագանքը ոչ այնքան զարմացնում է, որքան ապշեցնում իր կայունությամբ:
Բանն այն է, որ սա հերթական երկակի ստանդարտն է, և այս օրինակը հիանալի կերպով ցույց է տալիս այդ ամենը: ԱՄՆ-ի և Եվրամիության պաշտոնական ներկայացուցիչները բառացիորեն ամեն օր հարձակվում են վրացական իշխանությունների վրա՝ ցուցարարների նկատմամբ, իբր, դաժան վերաբերմունքի համար։ Այսինքն՝ ամեն կերպ վախեցնում ու ահաբեկում են՝ ուշադրություն դարձնելով, նորից մեջբերեմ՝ «ցուցարարների նկատմամբ դաժան վերաբերմունքի» վրա»,- հայտարարել է Զախարովան։
Նա հավելել է, թե ՀՀ-ի դեպքում, երբ «զանգվածային ձերբակալություններ են տեղի ունենում», Արևմուտքը գերեզմանային լռություն է պահպանում։
«Կարծես Արևմուտքին անջատել են այդ օրակարգից։ Միացրել են միայն, այսպես ասած, մեկ նոտա, իսկ մնացած ամեն ինչ, կարծես, տեղի չի ունենում»,- հայտարարել է ռուսաստանցի պաշտոնյան։
Մանրամասները՝ տեսանյութում։
