29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Այսօր Արցախից ռուս խաղաղապահների դուրսբերմանը նվիրված միջոցառում տեղի կունենա
Քաղաքականություն
15.05.2024 | 12:54
Արցախի Իվանյանում այսօր միջոցառում է նախատեսվում՝ ռուսական խաղաղապահ զորախմբի դուրսբերման կապակցությամբ։ Ադրբեջանական լրատվամիջոցները հայտնում են, որ միջոցառմանը մասնակցելու են երկու կողմերի բարձրաստիճան զինվորականները։
Հիշեցնենք՝ ապրիլի 16-ի երեկոյան ադրբեջանական լրատվամիջոցները հայտնեցին, որ հայկական Դադիվանք վանական համալիրի պաշտպանությունը ռուս խաղաղապահները փոխանցել են ադրբեջանական ոստիկանությանը։ Դրանից հետո սկսեցին տարածվել ռուս խաղաղապահների տեխնիկայի շարասյուների տեղաշարժի տեսանյութեր։
Ավելի ուշ պաշտոնական Բաքուն ու Մոսկվան հաստատեցին, որ սկսվել է Արցախից ռուս խաղաղապահների վաղաժամ դուրսբերման գործընթացը։
Ապրիլի 22-ին էլ Ադրբեջանի նախագահ Իլհամ Ալիևը Մոսկվայում էր՝ ՌԴ նախագահ Վլադիմիր Պուտինի հետ բանակցությունների։ Այցից հետո Ալիևը հայտարարեց, որ Արցախից ռուս խաղաղապահների վաղաժամ դուրսբերման որոշումը կայացվել է Պուտինի հետ համատեղ։
Էմմա Չոբանյան
