22.07.2026 | 09:30
Համբուրգ․ Էլինա Ավանեսյանը վստահ հաղթանակով է մեկնարկել․ ՏԵՍԱՆՅՈՒԹ
Վենետիկի հանձնաժողովի եզրակացությունը Վրաստանի «օտարերկրյա գործակալների մասին» օրենքի վերաբերյալ կհրապարակվի հաջորդ շաբաթվա սկզբին․ ԵԽԽՎ նախագահ
Քաղաքականություն
15.05.2024 | 13:26
Եվրոպայի խորհրդի Խորհրդարանական վեհաժողովի (ԵԽԽՎ) նախագահ Թեոդորոս Ռուսոպուլոսը հայտնել է, որ Վրաստանի «Օտարերկրյա ազդեցության թափանցիկության մասին» օրենքի վերաբերյալ Վենետիկի հանձնաժողովի կարծիքը կհրապարակվի հաջորդ շաբաթվա սկզբին, փոխանցում է Գրուզիա օնլայնը։
Ռուսոպուլոսը կոչ է անում վրացի օրենսդիրներին՝ մինչև օրենքի ուժի մեջ մտնելը լիովին հաշվի առնել Վենետիկի հանձնաժողովի առաջարկությունները։
ԵԽԽՎ նախագահն արձագանքել է նաև բողոքի ակցիայի ժամանակ տեղի ունեցած իրադարձություններին։
«Այս հարձակումները, ինչպես նաև ոստիկանության կողմից ուժի անհամաչափ կիրառման մասին հաղորդումները պետք է ամբողջությամբ և թափանցիկ հետաքննվեն իշխանությունների կողմից, և պետք է համապատասխան միջոցներ ձեռնարկվեն՝ պաշտպանելու ցուցարարների, քաղաքացիական հասարակության ակտիվիստների, լրագրողների և խորհրդարանի անդամների անվտանգությունը՝ անկախ այս օրենքի վերաբերյալ իրենց տեսակետներին»,- նշել է Ռուսոպուլոսը:
Հիշեցնենք, որ Վրաստանի խորհրդարանը երրորդ և վերջին ընթերցմամբ ընդունել է «Օտարերկրյա ազդեցության թափանցիկության մասին» օրինագիծը։ Դրա քննարկման ամբողջ ընթացքում Վրաստանում շարունակվել են բողոքի ցույցերը, որոնք ժամանակ առ ժամանակ վերածվել են ոստիկանության հետ բախումների։
Նախագահ Սալոմե Զուրաբիշվիլին հայտնել է օրենքի նկատմամբ վետո կիրառելու մտադրության մասին։
