24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Ուկրաինայի ԶՈՒ-ն ստորաբաժանումները դուրս է բերում Վոլչանսկից և Լուկյանցևից
Քաղաքականություն
15.05.2024 | 13:48
Ուկրաինայի Զինված ուժերի գլխավոր շտաբի խոսնակ Դմիտրի Լիխովին հեռուստամարաթոնի ժամանակ հայտնել է, որ Խարկովի ուղղությամբ՝ Լուկյանցևի և Վոլչանսկի շրջաններում, ուկրաինացի պաշտպանները նահանջել են՝ զինվորականների կյանքը փրկելու և կորուստներից խուսափելու համար։ Այս մասին անցած գիշեր նշված էր Ուկրաինայի ԶՈՒ գլխավոր շտաբի զեկույցում, իսկ այսօր Լիխովին այդ մասին ավելի մանրամասն է խոսել։
«Հակառակորդն իր ուժերը կենտրոնացնում է Խարկովի մարզում, ինչպես նաև Դոնեցկի շրջանի Կրամատորսկ և Պոկրովսկի ուղղություններում։ Խարկովի ուղղությամբ մեր զորքերի ստորաբաժանումները հետ են մղել թշնամու 18 հարձակում»,- նրա խոսքերն է մեջբերում «Ուկրաինսկայա պրավդան»։
Ըստ նրա՝ Լուկյանցևի և Վոլչանսկի շրջանների առանձին հատվածներում հակառակորդի կրակահերթի և հարձակման գործողությունների արդյունքում ուկրաինացի զինծառայողների կյանքը փրկելու և կորուստներից խուսափելու համար ստորաբաժանումները մանևրել են և տեղափոխվել առավել շահավետ դիրքեր։
«Մարտերը շարունակվում են։ Ուկրաինացի մարտիկները թույլ չեն տալիս ռուս օկուպանտներին ամրապնդել դիրքերը։ Իրականացվում են հակահարվածային գործողություններ։ Հակառակորդը գտնվում է պաշտպանության ուժերի մեր հրետանային և ԱԹՍ ստորաբաժանումների մշտական կրակային հսկողության տակ»,- ասել է գլխավոր շտաբի ներկայացուցիչը։
