23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Վոլչանսկի հյուսիսային ծայրամասում մարտերը շարունակվում են
Քաղաքականություն
14.05.2024 | 16:35
Խարկովի շրջանային վարչակազմի ղեկավար Օլեգ Սինեգուբովը ուկրաինական հեռուստատեսությամբ խոսել է Վոլչանսկի շրջանում տիրող իրավիճակի մասին, որտեղ շարունակվում է ռուսական զորքերի ինտենսիվ հարձակումը, փոխանցում է BBC-ի ռուսական ծառայությունը։
«Հակառակորդը չի դադարում Վոլչանսկի ուղղությամբ առաջխաղացման փորձերը: Քաղաքի հյուսիսային ծայրամասում ակտիվ հրաձգային մարտեր են ընթանում»,- ասել է Սինեգուբովը։
Նա հավելել է, որ քաղաքը «մաքրում են ռուսական դիվերսիոն-հետախուզական խմբերից»:
Ավելի վաղ ռուս զինվորականները հայտնել էին, որ մտել են Վոլչանսկ, սակայն Կիևը հերքել է այդ տեղեկությունը։ Ուկրաինայի Զինված ուժերի գլխավոր շտաբի առավոտյան հաղորդագրության մեջ ասվում է, որ իրավիճակն այս հատվածում վերահսկելի է, իսկ ուկրաինական ուժերը Վոլչանսկում «մաքրում են քաղաքի շրջանները»։
Ըստ Սինեգուբովի՝ երեքշաբթի Վոլչանսկի շրջանում ռուսական հրետակոծության հետևանքով զոհվել է երկու բնակիչ. քաղաքում ժամը 11:55-ին զոհվել է 80-ամյա տեղի բնակիչ, իսկ նրա առանձնատունը հրդեհվել է։ Հարևան Գատիշչի գյուղում էլ բեկորային վնասվածքներից 83-ամյա տղամարդ է մահացել։
Սինեգուբովը նաև հայտնել է, որ իշխանությունները տարհանել են 7531 մարդու, այդ թվում՝ 568 երեխայի և հաշմանդամություն ունեցող 201 անձի։
