12.01.2025 | 14:16
Առաջիկա օրերին օդի ջերմաստիճանն էապես չի փոխվի
Եգիպտոսը կարող է նվազեցնել Իսրայելի հետ դիվանագիտական հարաբերությունների մակարդակը. WSJ
Քաղաքականություն
14.05.2024 | 17:20
Եգիպտոսը դիտարկում է Իսրայելի հետ դիվանագիտական հարաբերությունների մակարդակը նվազեցման, ինչպես նաև Իսրայելին ցեղասպանության մեջ մեղադրող միջազգային դատական գործին միանալու հնարավորությունը։ Այս մասին գրում է Wall Street Journal-ը՝ հղում կատարելով եգիպտացի պաշտոնյաներին։
Նշվում է, որ երկու երկրների միջև էսկալացիան սրվել է այն բանից հետո, ինչ Իսրայելն ընդամենը մի քանի ժամում Եգիպտոսին տեղեկացրել է Ռաֆայում ռազմական գործողության մեկնարկի մասին, որի ընթացքում իսրայելական բանակը գրավել է Եգիպտոսի հետ սահմանին Գազայի հատվածի հսկիչ անցակետը։
Եգիպտոսցի պաշտոնյաների պնդմամբ՝ Երուսաղեմը հավաստիացրել է Կահիրեին, որ անցակետը, որը պաշարված անկլավին մարդասիրական օգնություն հասցնելու առանցքային կետն է, չի տուժի, իսկ այնտեղ գտնվող պաղեստինցիներին անհրաժեշտ ժամանակ կտրվի՝ տարածքից անվտանգ տարհանվելու համար, սակայն «այդ հավաստիացումներից ոչ մեկը չիրականացավ»:
Իսրայելի վարչապետ Բենիամին Նեթանյահուն հայտարարել է, որ Ռաֆահի անցակետի նկատմամբ վերահսկողություն սահմանելն անհրաժեշտ է ՀԱՄԱՍ-ի կողմից մաքսանենգությունը զսպելու համար։
Բացի այդ, նշում է թերթը, Եգիպտոսն իր կողմից հրաժարվել է բացել Գազայի հատվածի հետ սահմանը, քանի դեռ Ռաֆահի անցակետը վերահսկվում է իսրայելական բանակի կողմից։ Եգիպտոսցի պաշտոնյաներից մեկն ասել է, որ քանի դեռ իսրայելական ուժերը մնում են անցակետում, Եգիպտոսը ոչ մի բեռնատար չի ուղարկի Ռաֆահ։
