16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Պատրուշևն ու Դյումինը նշանակվել են Պուտինի օգնականներ, Պեսկովը պահպանել է իր պաշտոնը
Քաղաքականություն
14.05.2024 | 13:33
ՌԴ նախագահ Վլադիմիր Պուտինը հրամանագրեր է ստորագրել նախագահի աշխատակազմում նշանակումների վերաբերյալ։ Այս մասին հայտնում են ռուսական լրատվամիջոցները՝ վկայակոչոլվ Կրեմլին։
Մասնավորապես, Պուտինն իր օգնական է նշանակել Անվտանգության խորհրդի նախկին քարտուղար Նիկոլայ Պատրուշևին։ Մայիսի 12-ին նա ազատվել է Անվտանգության խորհրդի քարտուղարի պաշտոնից, նրան փոխարինել է պաշտպանության նախկին նախարար Սերգեյ Շոյգուն։
Պուտինի օգնական է նշանակվել նաև Ալեքսեյ Դյումինը, որը Տուլայի շրջանի նահանգապետն է 2016 թվականից։ Նախագահի օգնականներ են նշանակվել կրթության նախկին նախարար Անդրեյ Ֆուրսենկոն և մշակույթի նախկին ղեկավար Վլադիմիր Մեդինսկին։
Աշխատակազմի ղեկավարի նոր տեղակալ է դարձել Մաքսիմ Օրեշկինը, որը Պուտինի օգնականն էր։ Սերգեյ Կիրիենկոն, Ալեքսեյ Գրոմովը և Դմիտրի Կոզակը պահպանել են տեղակալների իրենց պաշտոնները։ Անտոն Վայնոն կշարունակի ղեկավարել նախագահի աշխատակազմը։
Դմիտրի Պեսկովը ևս պահպանել է ՌԴ նախագահի մամուլի քարտուղարի և նախագահի աշխատակազմի ղեկավարի տեղակալի պաշտոնը։ Պեսկովը 2008 թվականից աշխատում է Պուտինի մամուլի խոսնակ, երբ այդ ժամանակ վերջինը զբաղեցնում էր վարչապետի պաշտոնը։ 2000-ից Պեսկովն աշխատել է ՌԴ նախագահի մամուլի ծառայությունում, մինչ այդ տարբեր պաշտոններում աշխատել է Թուրքիայում Ռուսաստանի դեսպանատանը։
