11.08.2026 | 13:12
24 ժամ ջուր չի լինի Երևանի և Կոտայքի մարզի մի շարք հասցեներում
Կուրսկի շրջանում ԱԹՍ-ի հարձակման հետևանքով զոհվել է մի կին, ևս երեք քաղաքացի վիրավորվել է
Քաղաքականություն
13.05.2024 | 16:52
ՌԴ Կուրսկի շրջանի մայրուղու վրա անօդաչու թռչող սարքի հարձակման հետևանքով մի կին է զոհվել, ևս երեք մարդ վիրավորվել է։ BBC-ի ռուսական ծառայության փոխանցմամբ՝ այս մասին հայտնում են շրջանային իշխանությունները։
Ըստ տեղի գործադիր մարմնի մամուլի ծառայության՝ ուկրաինացի զինվորականներն «անօդաչու սարքերով հարձակվել են մեքենաների վրա» Գլուշկովսկի շրջանում։
«Նրանք պայթուցիկ սարքեր են նետել Պոպովո-Լեժաչի գյուղի բնակիչների անձնական մեքենաների վրա։ Մի կին տեղում մահացել է, ևս 3 մարդ վիրավորվել է։ Տուժածներին հոսպիտալացրել են շրջանային հիվանդանոց, որտեղ նրանց բուժօգնություն կտրամադրվի»,- ասվում է մամուլի ծառայության տարածած հաղորդագրության մեջ։
Կուրսկի և Ուկրաինային սահմանակից ռուսական այլ շրջանների իշխանությունները պարբերաբար հաղորդում են ուկրաինական անօդաչու սարքերի հարձակումների մասին: Ուկրաինայի իշխանությունները չեն մեկնաբանում այս հայտարարությունները։
