Քաղաքականություն
13.05.2024 | 16:32
Թուրքիայի ազգային հետախուզական կազմակերպության (MİT) ղեկավար Իբրահիմ Քալընը հանդիպել է պաղեստինյան ՀԱՄԱՍ-ի քաղաքական բյուրոյի ղեկավար Իսմայիլ Հանիյեի և նրան ուղեկցող պատվիրակության հետ։ Թուրքական լրատվամիջոցները, վկայակոչելով անվտանգության մարմիններում իրենց աղբյուրներին, հայտնում են, որ ՀԱՄԱՍ-ի պատվիրակության հետ Քալընի հանդիպումը տեղի է ունեցել Կատարի մայրաքաղաք Դոհայում։
Հանդիպմանը քննարկվել են Իսրայելի հետ բանակցություններում վերջին իրավիճակը և հրադադարի ներկայիս նախաձեռնությունները։
Նշվել է, որ հրադադարի և ավելի շատ մարդասիրական օգնության առաքումը թույլ տալու հիմնական պատասխանատվությունը կրում է իսրայելական կողմը։
Հիշեցնենք նաև, որ Թուրքիան մայիսի 2-ից Իսրայելի հետ առևտրային ամբողջական արգելք է սահմանել։
