09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Բայդենը նշել է Գազայի հատվածում հրադադարի պայմանները
Քաղաքականություն
12.05.2024 | 11:18
Միացյալ Նահանգների նախագահ Ջո Բայդենը հայտարարել է, որ հրադադարը Գազայի հատվածում կարող է ձեռք բերվել «հենց վաղը», եթե «ՀԱՄԱՍ» ահաբեկչական կազմակերպությունն ազատ արձակի իր մոտ գտնվող իսրայելցի պատանդներին։ Այս մասին նա հայտարարել է մայիսի 11-ին Վաշինգտոն նահանգում իր նախընտրական քարոզարշավի ժամանակ կազմակերպված միջոցառման ժամանակ․ DW-ի փոխանցմամբ՝ գրում է The Washington Post-ը։
ԱՄՆ ղեկավարությունն առաջարկել է Իսրայելին հրաժարվել լայնածավալ հարձակումից Գազայի հատվածի և Եգիպտոսի սահմանին գտնվող Ռաֆահ քաղաքում:
Դրա դիմաց ԱՄՆ-ն իսրայելցիներին օգնություն է առաջարկել «ՀԱՄԱՍ» իսլամիստական շարժման առաջնորդներին գտնելու հարցում։ Բացի այդ, նրանք խոստացել են նրանց տրամադրել Գազայի հատվածի տակ գտնվող ահաբեկիչներին պատկանող թունելների գծապատկերները։
Ըստ թերթի աղբյուրների՝ Միացյալ Նահանգների կառավարությունը փորձում է կանխել իսրայելական բանակի ներխուժումը Ռաֆահ, որտեղ այսօր, ըստ տարբեր գնահատականների, մոտ մեկ միլիոն պաղեստինցի փախստական կա։
