16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Սանկտ Պետերբուրգում ավտոբուսի գետն ընկնելու հետևանքով 3 մարդ է մահացել, 4-ը կլինիկական մահվան վիճակում են
Քաղաքականություն
10.05.2024 | 17:38
Սանկտ Պետերբուրգում ավտոբուսի Մոյկա գետն ընկնելու հետևանքով երեք մարդ է մահացել, ևս չորս ուղևորներ գտնվում են կլինիկական մահվան վիճակում։ Այս մասին հայտնել է ՌԴ ԱԻՆ մամուլի ծառայությունը, փոխանցում է ՌԻԱ Նովոստին։
«Փրկարարները խորտակված ավտոբուսից դուրս են բերել 9 հոգու, 4-ի վիճակը ծանր է։ Վերակենդանացման միջոցառումներ են իրականացվում։ Ցավոք, 3 մարդ մահացել է»,- ասվում է հայտարարության մեջ։
Նշվում է, որ ջրասուզակները փորձում են ավտոբուսը հանել գետից։
Արտակարգ իրավիճակների ծառայություններում «ՌԻԱ Նովոստիի» աղբյուրն էլ հայտնել է, որ ավտոբուսում, ընդհանուր առմամբ, եղել է 15 ուղևոր, նախնական տվյալներով՝ 4-ը մահացել է, ևս 4 մարդ կլինիկական մահվան վիճակում է։
Հիշեցնենք, որ այսօր կեսօրին ավտոբուսի վարորդը կորցրել է կառավարումը Սանկտ Պետերբուրգի Բոլշայա Մորսկայա փողոցից դեպի Համբույրների կամուրջ շրջվելիս։ Մեքենան բախվել է կամրջի պատնեշին և ընկել ջուրը։
