02.06.2026 | 23:01
ԱՄՆ պատվիրակության՝ Ադրբեջան կատարած այցի ընթացքում ստորագրվել են 8 միլիարդ դոլարի համաձայնագրեր
Սանկտ Պետերբուրգում ուղևորներով լի ավտոբուսն ընկել է Մոյկա գետը․ ՏԵՍԱՆՅՈՒԹ
Քաղաքականություն
10.05.2024 | 16:10
Սանկտ Պետերբուրգում ուղևորներով լի ավտոբուսը Պոցելուևի կամրջից ընկել է Մոյկա գետը, հայտնում է ՌԴ ՆԳՆ մարզային շտաբի մամուլի ծառայությունը, փոխանցում է ՌԻԱ Նովոստին։
«Այսօր՝ ժամը 13։00-ի սահմաններում, ոստիկանություն հաղորդում է ստացվել, որ Բոլշայա Մորսկայա փողոցի թիվ 69 շենքի տարածքում մարդատար ավտոբուսը կամրջից ընկել է Մոյկա գետը։ Նախնական տեղեկություններով՝ ավտոբուսում մոտ 20 մարդ է եղել արտակարգ իրավիճակի պահին»,- ասված է հաղորդագրության մեջ։
Քաղաքային տրանսպորտի կոմիտեից պարզաբանել են, որ «Տաքսի» ընկերության ավտոբուսի վարորդը Բոլշայա Մորսկայա փողոցից Պոցելուևի կամուրջ շրջվելիս կորցրել է կառավարումը, մեքենան շրջվել է, ճեղքել ցանկապատը և ընկել ջուրը։ ՆԳՆ-ից հայտնել են, որ վարորդը բերման է ենթարկվել։
Այժմ շտապօգնության մասնագետները մարդկանց դուրս են բերում գետից։ Փրկարարական աշխատանքներին ներգրավվել է 69 մարդ և 18 միավոր տեխնիկա։
Մանրամասները՝ տեսանյութում։
