05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՃՏՊ Այգավան գյուղի մոտ. կան տուժածներ և 1 զոհ
26.08.2018 | 19:40
Օգոստոսի 26-ին, ժամը 15:19-ին «911» ծառայությանը տեղեկություն է հաղորդվել, որ Վեդի-Այգավան ավտոճանապարհին՝ Այգավան գյուղի մոտ, տեղի է ունեցել ՃՏՊ, կան տուժածներ և 1 զոհ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-2 ավտոճանապարհի Երևան-Մեղրի հատվածի 40-րդ կմ-ին «Opel Astra» մակնիշի ավտոմեքենան (վարորդը` Մ. Մ., ծնված 1958 թ.) շրջվել է ճամփեզրին: ՃՏՊ-ի հետևանքով ուղևորը՝ Ա. Մ.-ն (ծնված 1988 թ.), տեղում մահացել է, իսկ վարորդը և ուղևորները՝ Ն. Ա.-ն (ծնված 2010 թ.), Ա. Ղ.-ն (ծնված 1955 թ.) ստացել են մարմնական վնասվածքներ և հոսպիտալացվել Վեդու ԲԿ: Բժիշկները նրանց առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենան, փակել գազի բալոնի փականը և ավտոմեքենան տեղափոխել ավտոքարշակի վրա:
