18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Լեհաստանն ամրապնդում է Բելառուսի հետ սահմանը
Քաղաքականություն
10.05.2024 | 14:41
Լեհաստանի պաշտպանության նախարարը հայտարարել է, որ իր երկիրն ամրացնում է երկաթե պատնեշը Բելառուսի հետ սահմանին՝ անօրինական միգրացիան զսպելու համար, գրում է VOA-ն:
«Մենք վերանորոգում ենք լեհ-բելառուսական սահմանի պարիսպը, ամրացնում ենք այն։ Այդ նպատակների համար կատարվող ծախսերն ամենաբարձրն են Լեհաստանի ողջ պատմության մեջ»,- ասել է Վլադիսլավ Կոսինյակ-Կամիշը Zet ռադիոյի եթերում:
Պաշտոնյան նշել է, որ սահմանամերձ շրջաններում լեհական և դաշնակից զինված ուժերի ներկայությունը նաև օգնում է ամրապնդել ՆԱՏՕ-ի և Եվրամիության արևելյան սահմանները: Այս ներկայությունն աճել է 2022 թվականին Ուկրաինայում Ռուսաստանի ագրեսիայից հետո։
Նախարարը կողմ է արտահայտվել, որ Լեհաստանը պաշտպանական բունկերների և խրամատների գիծ կառուցի այս սահմանի և Ռուսաստանի Կալինինգրադի մարզի հետ սահմանի երկայնքով, ինչն արդեն արել են Բալթյան երկրները։
