07.10.2026 | 11:02
2027 թ․ հունվարի 1-ից սոցփաթեթի ծրագիրն ավարտվում է․ փոփոխություններ և նոր հնարավորություններ. ՈՒՂԻՂ
Գերմանիան Ուկրաինային երեք HIMARS հրթիռային համակարգ կմատակարարի
Քաղաքականություն
10.05.2024 | 14:54
Գերմանիայի պաշտպանության նախարար Բորիս Պիստորիուսը հայտարարել է Ուկրաինային երեք HIMARS բազմակի հրթիռային համակարգերի (MLRS) մատակարարման մասին։ Այս մասին նա ասել է ԱՄՆ կատարած այցի ժամանակ։
«Կարող եմ հաստատել, որ ամերիկացիների հետ համագործակցելով՝ մենք Ուկրաինային կփոխանցենք երեք HIMARS համակարգ»,- ասել է նա։
Հրթիռային համակարգերը կմատակարարվեն ԱՄՆ-ի ռազմական ռեզերվներից և կվճարվեն Բեռլինի կողմից։
HIMARS MLRS-ի գործողության շառավիղը մինչև 80 կմ է, սակայն որոշակի փոփոխության դեպքում և համապատասխան զինամթերքի մատակարարման դեպքում այն կարող է հասնել 300-500 կմ: Միացյալ Նահանգները նախկինում մատակարարել է ավելի քան 30 միավոր նման սարքավորում:
2024 թվականի փետրվարին Ուկրաինան և Գերմանիան համաձայնագիր են ստորագրել անվտանգության ոլորտում համագործակցության և Կիևին երկարաժամկետ աջակցության մասին։ Ուկրաինայի նախագահ Վլադիմիր Զելենսկին ստորագրված համաձայնագիրն անվանել է «աննախադեպ»՝ այս տարվա համար ապահովելով Գերմանիայի աջակցությունն Ուկրաինային ավելի քան յոթ միլիարդ եվրոյի չափով:
