20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Նույնիսկ Մերկելի համար էր ժողովրդավարության այսպիսի մակարդակն անսպասելի. ռուս լրագրողը՝ Գերմանիայի կանցլերի հայաստանյան այցի մասին. ՏԵՍԱՆՅՈՒԹ
Քաղաքականություն
26.08.2018 | 16:16
Ռուս հայտնի լրագրող, բլոգեր Ալեքսեյ Ռոմանովը, որն ակտիվ լուսաբանում էր Հայաստանում «թավշյա հեղափոխությունը», անդրադարձել է Գերմանիայի կանցլեր Անգելա Մերկելի՝ Հայաստան կատարած այցին:
Բլոգերն իր տեսանյութում հիացմունքով պատմում է, թե ինչպես է ՀՀ վարչապետ Նիկոլ Փաշինյանը Անգելա Մերկելին «մարդկանց մեջ հանել»:
«Փաշինյանն ու Մերկելը քայլում են Երևանի Հյուսիսային պողոտայով: Եվ հասարակ ժողովրդի ու բարձրաստիճան պաշտոնյաների միջև ընդունված պատշաճ հեռավորությունը չկա: Ինձ մի պահ նույնիսկ թվաց, որ Մերկելի համար ժողովրդավարության այսպիսի մակարդակն անսպասելի էր»,- տեսանյութը մեկնաբանում է բլոգերը:
Լրագրողն այնուհետև ուշադրություն է հրավիրում, թե ինչպես է կանցլերն այդ ջերմ ընդունելությունից հետո հրաժեշտ տալիս ՀՀ վարչապետին ու թե ինչպես է ջերմ գրկախառնությանը արձագանքում Մերկելի թիկնապահը: «Նա զարմանքից քար էր կտրել, իր շեֆին դեռ այսպիսին չէր տեսել»,- ասում է Ռոմանովը, ապա հավելում, որ պակաս չէր նաև Մերկելի զարմանքը. սա այն երկիրն է, որտեղ իրենից փող չեն խնդրել:
Առավել մանրամասն՝ տեսանյութում:
