Նորատունկ սոսիները՝ չորացած․ Բեգոյանը պնդում է՝ դրանք կենսունակ են եղել. ՏԵՍԱՆՅՈՒԹ

Հասարակություն

08.05.2024 | 20:24

Լուրեր

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

14.12.2025 | 12:28

«ՀԷՑ»-ը տեղեկացնում է. ուժեղ քամիները հոսանքազրկումների պատճառ են դարձել

14.12.2025 | 11:41

Ապարանի համայնքապետարանը՝ քամու պատճառած վնասների մասին

14.12.2025 | 11:36

18:00-ից հետո քամու արագությունը զգալիորեն կնվազի և չի խանգարի տոնածառի լույսերի վառման արարողությանը․ Լևոն Ազիզյան

14.12.2025 | 11:32

ՃՏՊ Սիսիան-Երևան ավտոճանապարհի․ կա տուժած

Բոլորը

Ակտիվիստ Արթուր Չախոյանն անցյալ տարվա նոյեմբերին պնդել էր, թե Մաշտոցի պողոտայում չորացած արևելյան սոսիներ են տնկվել։ Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ը հերքել էր, թե նորատունկ սոսիները չորացած են։ Կանաչապատման ՀՈԱԿ-ը Չախոյանի ուղիղ հեռարձակումից հետո հաղորդում էր ներկայացրել Ոստիկանություն՝ վանդալիզմ համարելով ակտիվիստի գործողությունները և ընդգծելով, որ դրանք բացասական ազդեցություն կունենան ծառերի կենսունակության վրա:

Չախոյանն այսօր տեղում ցույց տվեց՝ շուրջ կես տարի առաջ տնկված արևելյան սոսիները փոխարինվել են նորերով։

Կանաչապատման ՀՈԱԿ-ի տնօրեն Արմեն Բեգոյանն անցյալ տարի մեզ վստահեցրել էր, որ տնկանյութը չորացած չէ, պարզապես ծառերը գտնվում են բնական վեգետացիոն շրջանի ավարտի փուլում, և քանի որ բաց գրունտում տնկված չեն եղել, այլ պահվել են փակ հողագնդով՝ թաղարի մեջ, ծառերի վեգետացիան ուշ սկսվում և շուտ ավարտվում է։ Այսօր Բեգոյանը վերահաստատեց խոսքերը՝ պնդելով, թե ծառերը չորացել են Արթուր Չախոյանի միջամտության հետևանքով։

Ոստիկանություն ներկայացված հանցագործության մասին հաղորդումը փոխանցվել էր Քննչական կոմիտե, սակայն հիմքերի բացակայությամբ պայմանավորված՝ քրեական վարույթ չէր նախաձեռնվել՝ Factor TV-ին հայտնել էին ՔԿ-ից։ Այս ամենից հետո ՀՈԱԿ-ը դիմել է իրավապահ այլ կառույց՝ Դատախազություն, և միայն դրանից հետո քրեական վարույթ է նախաձեռնվել՝ ծառերը, թփերը կամ բուսածածկն անզգուշությամբ ոչնչացնելու կամ վնասելու հատկանիշներով։ ՔԿ մամուլի խոսնակն այսօր Factor TV-ին տեղեկացրեց, որ որևէ անձի նկատմամբ քրեական հետապնդում չի հարուցվել, նշանակված է դատաապրանքագիտական և բուսաբանական համալիր փորձաքննություն, որի եզրակացությունը դեռևս չի ստացվել։

Արմեն Բեգոյանն ասաց՝ վարույթն իրականացնող մարմինը կպարզի՝ ծառերը չորացա՞ծ են եղել, թե՞ ոչ։ Թե նորատունկ սոսիներից քանիսը չեն արմատավորվել, Բեգոյանը դժվարացավ պատասխանել, բայց ասաց՝ շատ են:

Կանաչապատման ՀՈԱԿ-ի տնօրենի խոսքով՝ քաղաքն այս ամենից վնասներ չի կրել, և գումար չի մսխվել, քանի որ ծառերը փոխարինել է մատակարարող ընկերությունը։

Մանրամասները` տեսանյութում:

Արփի Հակոբյան