19.05.2024 | 21:31
Երևանում անցկացվել է «One Run-First Run» միջազգային խոշորագույն կիսամարաթոնը․ ԼՈՒՍԱՆԿԱՐՆԵՐ
Լիտվան հայտարարել է Ուկրաինա զորք ուղարկելու պատրաստակամության մասին
Քաղաքականություն
08.05.2024 | 15:51
Լիտվայի խորհրդարանը թույլ է տվել երկրի զորքերն ուղարկել Ուկրաինա՝ ուկրաինացի զինվորականներին մարզելու համար, սակայն Կիևից նման խնդրանք դեռևս չի ստացվել։ Financial Times-ին այս մասին ասել է Բալթյան հանրապետության վարչապետ Ինգրիդա Սիմոնիտեն։
Նրա խոսքով՝ Մոսկվան Վիլնյուսի նման քայլը կարող է սադրանք համարել, սակայն Լիտվայի իշխանությունները չեն պատրաստվում դրան ուշադրություն դարձնել։
«Եթե մենք միայն մտածեինք Ռուսաստանի պատասխանի մասին, ոչինչ չէինք կարողանա ուղարկել։ Ամեն երկրորդ շաբաթ դուք լսում եք, որ ինչ-որ մեկը միջուկային հարձակման է ենթարկվելու»,- հավելել է Շիմոնիտեն:
Ֆրանսիայի նախագահ Էմանուել Մակրոնն առաջին անգամ փետրվարի վերջին հնարավոր է համարել Ուկրաինա զորքեր ուղարկելը։ Դրանից հետո Արևմուտքում ծագած քննարկումների ֆոնին Լիտվան հայտարարել է, որ այս հարցում «կարմիր գծերը» վերացվել են։ Լիտվայի վարչապետը սատարել է Մակրոնին՝ միաժամանակ նշելով, որ նա ստեղծում է «ռազմավարական երկիմաստություն»՝ ակնարկում է Ուկրաինա զինվորականների ուղարկելու հնարավորության մասին, սակայն չի նշում կոնկրետ ծրագրեր և ժամկետներ։
