15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Պուտինը Հայաստանի և ԽՍՀՄ նախկին մյուս երկրների ղեկավարներին շնորհավորել է Հաղթանակի օրվա առթիվ
Քաղաքականություն
08.05.2024 | 14:57
ՌԴ նախագահ Վլադիմիր Պուտինը շնորհավորական ուղերձներ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Մոսկվայի կողմից ճանաչված Աբխազիայի, Հարավային Օսիայի ղեկավարներին, ինչպես նաև Վրաստանի և Մոլդովայի ժողովուրդներին՝ Երկրորդ համաշխարհաին պատերազմում տարած Հաղթանակի 79-րդ տարեդարձի կապակցությամբ։ Այս մասին գրում է ՏԱՍՍ-ը՝ վկայակոչելով Կրեմլի մամուլի ծառայությանը։
Պուտինն ընդգծել է, որ Ռուսաստանը խորին երախտագիտության և հարգանքի տուրք է մատուցում բոլոր նրանց, որոնք պատերազմի դաժան տարիներին խիզախորեն կռվել են ճակատում և անձնուրաց աշխատել թիկունքում՝ ահռելի զոհողությունների և դժվարությունների գնով մոտեցնելով այդքան սպասված Հաղթանակը։
Նա նշել է «ընդհանուր պատմությունը խեղաթյուրելու փորձերը դադարեցնելու անհրաժեշտությունը»։
«Կարևոր է խնամքով պահպանել և ապագա սերունդներին փոխանցել բարեկամության և փոխօգնության ավանդույթները, որոնք օգնեցին նախորդ սերունդներին ջախջախել նացիզմին»,- ասվում է ուղերձում։
Պուտինը նաև վստահություն է հայտնել, որ «Հայրենական պատերազմի տարիներին ձևավորված եղբայրական բարեկամության կապերը հուսալի հիմք կմնան երկրների միջև հարաբերությունների զարգացման համար»։
