Տեխնոլոգիաները՝ Սլովակիայից, ֆինանսները՝ Ադրբեջանից․ Սլովակիայի վարչապետը՝ Բաքվի հետ ռազմարդյունաբերական նախագծերի մասին

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Բաքվում գտնվող Սլովակիայի վարչապետ Ռոբերտ Ֆիցոն հարցազրույց է տվել ադրբեջանական պետական AzTV-ին և Azertac-ին՝ մանրամասներ հայտնելով Ադրբեջանի նախագահ Իլհամ Ալիևի հետ բանակցություններից։ Խոսելով ռազմական ոլորտում համագործակցության մասին՝ նա նշել է, որ հնարավոր է մասնակցություն ռազմական արդյունաբերությունում։

«Ես աջակցել եմ Սլովակիայում պաշտպանական արդյունաբերության զարգացմանը։ Նախագահ Ալիևի հետ քննարկել ենք որոշ նախագծեր։ Տեխնոլոգիաները կլինեն Սլովակիայից, իսկ ֆինանսները՝ Ադրբեջանից։ Արտադրված սպառազինությունը կա՛մ կարտահանվի, կա՛մ կմնա Ադրբեջանում։ Ինչպես գիտեք՝ Ուկրաինայի պատերազմն ամբողջությամբ փոխել է իրավիճակը։ Ներկայում սպառազինության լուրջ պակաս կա։ Կարծում եմ՝ եթե հաջողվի, դա կարող է օգուտ բերել երկու երկրներին էլ»,- ասել է Սլովակիայի վարչապետը։

Սլովակիայի ՊՆ ղեկավար Ռոբերտ Կալինյակն էլ տեղական լրատվամիջոցների հետ զրույցում ասել է, որ երկու երկրները քննարկել են պաշտպանության ոլորտում հնարավոր համագործակցության ոլորտները։

«Սլովակիայի Հանրապետությունը վաղուց հայտնի է իր ծանր, մասնավորապես, պաշտպանական արդյունաբերության զարգացման բարձր մակարդակով, ուստի շատ երկրներ ցանկանում են համագործակցել Սլովակիայի հետ այս ոլորտում»,- ասել է պաշտոնյան։

Խոսելով Ադրբեջանի հետ ստորագրված փաստաթղթերի մասին՝ նա նշել է, որ որոշվել են համագործակցության ուղղությունները։

«Այս հուշագրերը նաև վերաբերում են Ադրբեջանի հետ համագործակցությամբ մեր պաշտպանական արդյունաբերությունը զարգացնելու հնարավորությանը։ Որոշ դեպքերում դա ուղիղ պայմանագիր է կամ ուղիղ պատվեր, որոշ դեպքերում՝ տեխնոլոգիայի փոխանցում, մեր ունեցած հմտությունների արտահանում։ Կա համատեղ ձեռնարկությունների վերաբերյալ դիրքորոշում»,- ասել է Սլովակիայի ՊՆ ղեկավարը։

Հավելենք, որ Բաքվում բանակցություններից հետո Ալիևն ու Ֆիցոն մի շարք փաստաթղթեր են ստորագրել, մասնավորապես, «Ադրբեջանի և Սլովակիայի միջև ռազմավարական գործընկերության մասին համատեղ հռչակագիրը»։

Ադրբեջանի պաշտպանական արդյունաբերության նախարար Վուգար Մուստաֆաևը և Սլովակիայի փոխվարչապետ, պաշտպանության նախարար Ռոբերտ Կալինակն էլ ստորագրել են «Ռազմատեխնիկական համագործակցության ոլորտում փոխըմբռնման հուշագիր՝ Ադրբեջանի պաշտպանական արդյունաբերության նախարարության և Սլովակիայի պաշտպանության նախարարության միջև»։ Ադրեջանի ՊՆ ղեկավար Զաքիր Հասանովն ու Սլովակիայի պաշտպանության նախարար Ռոբերտ Կալինակն իրենց հերթին ստորագրել են երկու երկրների գերատեսչությունների միջև պաշտպանական ոլորտում համագործակցության մասին համաձայնագիրը։

Էմմա Չոբանյան