12.01.2025 | 14:16
Առաջիկա օրերին օդի ջերմաստիճանն էապես չի փոխվի
AstraZeneca-ն ամբողջ աշխարհից հետ է կանչում իր COVID-19 պատվաստանյութը
Քաղաքականություն
08.05.2024 | 23:02
Բրիտանա-շվեդական AstraZeneca դեղագործական ընկերությունը հետ է կանչում COVID-19-ի դեմ իր պատվաստանյութն ամբողջ աշխարհից՝ համաճարակի սկսվելուց ի վեր «բարելավված պատվաստանյութերի չափազանց հասանելիության» պատճառով։ Այս մասին գրում է Reuters-ը:
Արտադրողը նաև հայտարարել է, որ դադարեցնում է Vaxzevria պատվաստանյութի գրանցումը Եվրոպայում։
«Այն բանից հետո, երբ մշակվել են COVID-19 պատվաստանյութերի մի քանի տեսակներ, կա պատվաստանյութերի ավելցուկ, որոնք ներկա փուլում ավելի քան հասանելի են»,- հայտարարել են ընկերությունից:
AstraZeneca-ն նշել է, որ դա հանգեցրել է Vaxzevria պատվաստանյութի պահանջարկի նվազման, որն այժմ այլևս չի արտադրվում և չի մատակարարվում: Ընկերությունն ավելի վաղ խոստովանել էր, որ իր պատվաստանյութը կարող է առաջացնել կողմնակի բարդություններ, այդ թվում՝ թրոմբի առաջացում և արյան մեջ թրոմբոցիտների ցածր մակարդակ:
2023 թվականի մայիսի սկզբին ԱՀԿ-ն հայտարարեց, որ COVID-19-ն այլևս գլոբալ մակարդակի արտակարգ իրավիճակ չէ, թեև կորոնավիրուսի սպառնալիքը պահպանվում է։
