06.04.2026 | 12:30
«Սանդերլենդի» մարզիչ. Ֆինն Գերագուսյանը բազմակողմանի խաղացող է
ԵՄ պատժամիջոցների նոր փաթեթում կներառվի եվրոպական կուսակցությունների, ԶԼՄ-ների և ՀԿ-ների ռուսական ֆինանսավորման արգելք․ EUobserver
Քաղաքականություն
08.05.2024 | 15:22
ԵՄ-ն նախատեսում է հուլիսին Ռուսաստանի դեմ պատժամիջոցների նոր փաթեթ ընդունել։ EUobserver-ը հայտնում է, որ փաթեթում պատրաստվում են ներառել նաև եվրոպական քաղաքական կուսակցությունների, ոչ կառավարական կազմակերպությունների և լրատվամիջոցների ռուսական ֆինանսավորման արգելք, փոխանցում է Meduza-ն։
Պատժամիջոցների նոր փաթեթի նախագիծը, որին ծանոթացել է լրատվամիջոցը, նախատեսում է նաև ԵՄ երկրների նավահանգիստների կողմից Ռուսաստանից հեղուկացված բնական գազի մատակարարումների սպասարկման արգելք Եվրամիության սահմաններից դուրս, նավահանգիստներ մուտքի արգելք այն նավերի համար, որոնք խախտում են պատժամիջոցները և ռուսական ավիացիային ուղղված հետագա սահմանափակումները։
Բացի այդ, նախատեսվում է ընդլայնել կազմակերպությունների ցուցակը, որոնց նկատմամբ գործում է ուժեղացված արտահանման վերահսկողություն։ Ավելացվելու է ևս 52 ընկերություն։
Պատժամիջոցների փաթեթը, որի վրա աշխատում է ԵՄ-ն, լինելու է 14-րդը՝ Ուկրաինա ռուսական զորքերի լայնամասշտաբ ներխուժման մեկնարկից ի վեր։
