23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Վարչապետ Նիկոլ Փաշինյանն այսօր Հրազդանում մասնակցել է զոհված ազատամարտիկների հիշատակին նվիրված հուշաքարի բացման արարողությանը
Քաղաքականություն
25.08.2018 | 14:08
Վարչապետ Նիկոլ Փաշինյանն այսօր Հրազդանում մասնակցել է զոհված ազատամարտիկների հիշատակին նվիրված հուշաքարի բացման արարողությանը:
Իր ելույթում վարչապետը նշել է, որ հանուն հայրենիքի զոհվելու պատրաստակամությունը մարդկային գիտակցության ամենաբարձր կետն է, որից բարձր գիտակցություն գոյություն չունի:
«Ինչու ենք կանգնեցնում այսպիսի բարձր հուշարձաններ, արդյոք զոհվողների համար: Ոչ, մենք հուշարձանները կանգնեցնում ենք մեզ համար, որ ամեն օր զգանք այն պատասխանտությունը, որ մեր ուսերին ընկել է ամեն զոհվողի հետ: Որ ամեն անգամ հուշարձանին նայելիս վերգտնենք մեր ամոթը, եթե մի պահ կորցրել ենք այն, վերգտնենք մեր խիղճը, եթե մի պահ կորցրել ենք այն, վերգտնենք արդարությունը, եթե հանկարծ պարզվի, որ անարդարություն ենք գործել, գիտակցենք մեր սխալը, եթե պարզվի սխալ ենք գործել, Հայցենք ներողություն, եթե մեր որեւէ հայրենակցի, որեւէ մարդու նկատմամբ անարդար ենք վարվել, ուժեղանանք, եթե որեւէ տեղ թուլություն ենք թուլություն ենք ցուցաբերել, հպարտանանք, եթե որեւէ տեղ նսեմացել ենք,ի վերջո ժպտանք, որովհետեւ այս մարդիկ չեն զոհվել դժբախտություն բերելու համար, նրանք զոհվել են երջանկություն բերելու համար»,-ասել է վարչապետը:
