11.08.2026 | 11:21
RAF. Արման Ծառուկյանը կմենամարտի Քոնոր Մաքգրեգորի ընկերոջ հետ
Ռուսաստանի կառավարությունը հրաժարական է տվել
Քաղաքականություն
07.05.2024 | 14:45
Ռուսաստանի Դաշնության կառավարությունը հրաժարական է տվել՝ կապված ՌԴ նախագահ Վլադիմիր Պուտինի կողմից պաշտոնը ստանձնելու հետ։ Համապատասխան հրամանը ստորագրել է վարչապետ Միխայիլ Միշուստինը, գրում է Meduza-ն։
Օրենսդրության համաձայն՝ առաջիկա օրերին Պուտինը Պետդումային կներկայացնի նոր վարչապետի թեկնածությունը։ Առայժմ պարզ չէ, թե ով կառաջադրվի այդ պաշտոնում։ Դումայի նիստը, որի ժամանակ հաստատվելու է վարչապետի թեկնածությունը, նշանակված է մայիսի 10-ին։
Մինչ նոր վարչապետի հաստատումը՝ նախկին կառավարության ամբողջ կազմը շարունակում է աշխատել պաշտոնակատարի կարգավիճակով։
Պետդումայի կողմից հաստատվելուց հետո մեկ շաբաթվա ընթացքում նոր վարչապետը պետք է նախագահին առաջարկներ ներկայացնի նոր կառավարության կառուցվածքի վերաբերյալ։
