25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Գյուղերի թեման մոռացվելու է՝ օրակարգ է գալու ՀՀ-ում իշխանափոխության հարցը․ դա արդեն արտաքին դերակատարների մրցակցության տիրույթում է․ Արմեն Պետրոսյան․ ՏԵՍԱՆՅՈՒԹ
Քաղաքականություն
06.05.2024 | 19:00
Ապրիլի 19-ի հայ-ադրբեջանական պայմանավորվածության այլընտրանքը տեղային գործողությունն էր Ադրբեջանի կողմից, և լուրջ դիմադրության դեպքում, իսկ ես կարծում եմ՝ այն լուրջ կլիներ, կվերածվեր մեծ պատերազմի։ Factor TV-ի հետ զրույցում այս մասին ասում է արևելագետ, տարածաշրջանային հարցերով փորձագետ Արմեն Պետրոսյանը՝ անդրադառնալով սահմանազատումը Տավուշից սկսելու մասին Երևանի և Բաքվի միջև ձեռք բերված պայմանավորվածությանը։
Անդրադառնալով Տավուշում և հանրապետության այլ վայրերում օրեր շարունակ անցկացվող բողոքի ակցիաներին և դեպի Երևան երթին՝ Արմեն Պետրոսյանը դրանք դիտարկում է աշխարհաքաղաքական գործընթացների տեսանկյունից։ Ըստ նրա՝ Ռուսաստանը, կարծես, անցնում է վճռական քայլերի՝ տարածաշրջանում իր դիրքերը վերականգնելու և ամրապնդելու համար։
Արմեն Պետրոսյանը նաև ուշադրություն է հրավիրում այն փաստի վրա, որ անգամ վերջին պայմանավորվածությունից հետո Ադրբեջանի նախագահ Իլհամ Ալիևը շարունակում է նախապայմաններ առաջադրել Հայաստանին՝ ներքին օրենսդրությունը փոխելու, կոմունիկացիաներն ապաշրջափակելու հետ կապված, նաև հստակորեն չի խոսում Ալմա-Աթայի հռչակագրով սահմանազատում իրականացնելու մասին։ Կարծում է՝ Ռուսաստա՛նն է դեմ Ալմա-Աթայի հռչակագրին, և Մոսկվան Բաքվի ձեռքով է գործում։
Ադրբեջանի պահանջով հանձնվող Տավուշի գյուղերի թեման, Արմեն Պետրոսյանի կարծիքով, առաջիկա օրերին կամ շաբաթներին մոռացվելու է, իսկ օրակարգ է գալու ՀՀ-ում իշխանության լինելու կամ չլինելու՝ իշխանափոխության հարցը, ինչն արդեն արտաքին դերակատարների մրցակցության տիրույթում է։
Հարցազրույցն ամբողջությամբ՝ տեսանյութում։
Թամարա Հակոբյան
