21.01.2026 | 23:30
Ինչ իրավիճակ է Հայաստանի ճանապարհներին և Լարսում
Անգելա Մերկելը, Նիկոլ Փաշինյանը և Արմեն Սարգսյանը զբոսնում են Հյուսիսային պողոտայում. ՏԵՍԱՆՅՈՒԹ
Քաղաքականություն
24.08.2018 | 22:05
ՀՀ վարչապետ Նիկոլ Փաշինյանը պաշտոնական այցով Հայաստան ժամանած Գերմանիայի Դաշնային Հանրապետության կանցլեր Անգելա Մերկելի հետ զբոսանքի է դուրս եկել Երևանի կենտրոնում, մանսավորապես՝ Հյուսիսային պողոտայում: Նրանց ուղեկցում էին նաև ՀՀ նախագահ Արմեն Սարգսյանը, Արտաքին գործերի նախարար Զոհրաբ Մնացականյանը, Կրթության և գիտության նախարար Արայիկ Հարությունյանը, վարչապետի տիկին Աննա Հակոբյանը և այլք:
Հյուսիսային պողոտայում տասնյակ քաղաքացիներ էին հավաքվել՝ ողջունելու Անգելա Մերկելին: Նա մոտեցավ քաղաքացիներին, որոշների հետ զրուցեց և նկարվեց:
Ի դեպ, վարչապետ Փաշինյանի մոտ կար «սելֆիի ձող», որով նկարվեցին Հայաստանի վարչապետը, Գերմանիայի կանցլերը, նախագահ Արմեն Սարգսյանը, վարչապետի տիկին Աննա Հակոբյանը:
Իսկ ահա զբոսանքից հետո Փաշինյանը Մերկելի հետ միասին սրճել է Հյուսիսային պողոտայի բացօթյա սրճարաններից մեկում:
