29.06.2026 | 12:03
Նորագյուղում գույքի փոխհատուցման չափը փոխվել է․ սեփականատերն իրավունք ունի ինքն ընտրել գնահատողին․ ՏԵՍԱՆՅՈՒԹ
Թքելն ինքնին հանցակազմ չէ. Աննա Վարդապետյան․ ՏԵՍԱՆՅՈՒԹ
Հասարակություն
03.05.2024 | 17:43
Թքելն ինքնին հանցակազմ չէ, այս մասին ԱԺ-ում լրագրողների հետ ճեպազրւյցում ասաց ՀՀ գլխավոր դատախազ Աննա Վարդապետյանը՝ պատասխանելով ԱԺ նախագահ Ալեն Սիմոնյանի մասնակցությամբ միջադեպին առնչվող հարցին։
«Խուլիգանության հանցակազմի համար կարևոր է, որ լինի հասարակական կարգի կոպիտ խախտում։ Հիմա դուք ոչ մի կերպ չեք կարողանում իմ ասածի հետ հաշտվել, որովհետեւ ձեզ համար խուլիգանությունն առօրյա կիրառվող հասկացություն է, հիմա մեկը մի քիչ բարձր գոռա, պիտի ասենք՝ խուլիգանի մե՞կն է, բայց քրեաիրավական իմաստով այդպես չէ։ Թքելն ինքնին հանցակազմ չէ»,- նշեց նա։
Հարցրին՝ քաղաքացին կարո՞ղ է թքել պաշտոնյայի դեմքին, նա պատասխանեց․
«Ո՛չ, չի կարող»։ Ճշտող հարցին՝ իսկ պաշտոնյան կարո՞ղ է, Գլխավոր դատախազն արձագանքեց․ «Ոչ ոք, ոչ մեկի երեսին թքել չի կարող»։
Հիշեցնենք, որ անցյալ տարի ՀՀ ԱԺ նախագահ Ալեն Սիմոնյանը թքել էր իրեն «դավաճան» անվանած քաղաքացու երեսին։ Ալեն Սիմոնյանը սուր քննադատություններից հետո սոցիալական ցանցում քաղաքացիներից ներողություն էր խնդրել միջադեպի համար։
Մանրամասները՝ տեսանյութում։
