06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
ՔՊ-ի նվիրատվությունների հետ կապված գործընթաց կա. Աննա Վարդապետյան․ ՏԵՍԱՆՅՈՒԹ
Հասարակություն
03.05.2024 | 17:26
Հակակոռուպցիոն կոմիտեն ստուգում է ՔՊ-ին փոխանցված նվիրատվությունները, այս մասին ԱԺ-ում լրագրողների հետ զրույցում տեղեկացրեց ՀՀ գլխավոր դատախազ Աննա Վարդապետյանն՝ անդրադառնալով հարցին, որ «Freedom House»-ը իր զեկույցում մտահոգիչ էր համարել այն, որ ՔՊ-ի նվիրատվություններում դատախազությունը հանցակազմ չի տեսել:
Նա ասաց, թե այս պահին կատարվում են ստուգողական գործողություններ` կապված բանկային փոխանցումների հետ:
««Freedom House»»-ը չունի այդ տվյալը, որովհետև օպերատիվ ստուգման գործընթացում է գտնվում նշված հրապարակումը, գործը գտնվում է Հակակոռուպցիոն կոմիտեում, ստուգվում են բոլոր անհրաժեշտ տվյալներն ու փոխանցումները»,- մանրամասնեց գլխավոր դատախազը։
Հիշեցնենք, որ «Freedom House»-ն իր զեկույցում անդրադարձել էր նաև դատախազությանը՝ մասնավորապես արձանագրելով․
«2023-ին Infocom-ի ու CivilNet-ի անկախ հետաքննությունները քաղաքական կոռուպցիայի լուրջ նշաններ բացահայտեցին։ «Քաղաքացիական պայմանագրի» ընտրարշավի համար գումար փոխանցած մարդկանց մեծ մասը տեղյակ չէին իրենց անունից արված նվիրատվություններից, կամ նվիրաբերել էր իր ստացած եկամտից ավելին։ Մտահոգիչ է, որ իրավապահ մարմիններն այս հրապարակումներում օրենքի խախտման տարրեր չտեսան, դատախազությունը՝ իշխող կուսակցության հետ համերաշխ, հերքել է դրանք»,- նշված է միջազգային իրավապաշտպան կազմակերպության զեկույցում։
