25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Նեթանյահուն խնդրել է Բայդենին՝ թույլ չտալ, որ Հաագայի դատարանն իսրայելցի պաշտոնյաների ձերբակալության օրդեր տրամադրի
Քաղաքականություն
30.04.2024 | 12:06
Իսրայելի վարչապետ Բենիամին Նեթանյահուն ԱՄՆ նախագահ Ջո Բայդենին խնդրել է թույլ չտալ ՄԱԿ-ի Միջազգային քրեական դատարանին (ՄՔԴ) իսրայելցի պաշտոնյաների ձերբակալության օրդեր տրամադրել, Axios-ին հայտնել են իրավիճակին ծանոթ աղբյուրները:
Նրանց խոսքով՝ Նեթանյահուն իր խնդրանքը հայտնել է ապրիլի 28-ին տեղի ունեցած հեռախոսազրույցում։ Պաշտոնապես հաղորդվել է, որ երկու առաջնորդների բանակցությունների թեման եղել է պատանդներին ազատելու գործարքը, Գազայի հատվածին մարդասիրական օգնության ավելացման անհրաժեշտությունը և անկլավում հրադադարի ռեժիմը։
Միևնույն ժամանակ, Վաշինգտոնը մտահոգված է, որ իսրայելցի պաշտոնյաների ձերբակալության հնարավոր հրամանը կվտանգի պաղեստինյան ՀԱՄԱՍ շարժման հետ նոր գործարքը, Bloomberg-ին հայտնել են աղբյուրները:
Նրանց խոսքով՝ Իսրայելը կարող է հրաժարվել զինադադարից, եթե ՄՔԴ-ն մեղադրանք ներկայացնի։ Այս կապակցությամբ G7-ի երկրները փորձում են իրենց մտահոգությունները փոխանցել դատարանների ներկայացուցիչներին։
Իր հերթին, ԱՄՆ Կոնգրեսի անդամները նախազգուշացրել են ՄՔԴ-ին պատասխան միջոցների մասին, եթե ձերբակալության օրդերներ տրվեն: Ներկայացուցիչների պալատի արտաքին հարաբերությունների հանձնաժողովի նախագահ, հանրապետական Մայքլ Մաքքոլը հայտնել է, որ Կոնգրեսն օրինագիծ է պատրաստում ԱՄՆ-ի և նրա դաշնակիցների հանդեպ հետաքննության մեջ ներգրավված ՄՔԴ պաշտոնյաների դեմ պատժամիջոցների մասին։
Նախօրեին The New York Times-ը հայտնել էր, որ ՄՔԴ-ն պատրաստվում է Գազայի հատվածում ռազմական գործողության կապակցությամբ վարչապետ Նեթանյահուի և այլ բարձրաստիճան պաշտոնյաների ձերբակալության օրդեր տալ:
