14.12.2025 | 11:41
Ապարանի համայնքապետարանը՝ քամու պատճառած վնասների մասին
Մանվել Գրիգորյանը մեկուսարանում ձեռք է բերել ինսուլինից կախվածություն, իսկ դատաբժշկական փորձաքննությունը կրում էր սիմվոլիկ բնույթ․ փաստաբան
Քաղաքականություն
24.08.2018 | 17:10
Ազգային ժողովի պատգամավոր, գեներալ Մանվել Գրիգորյանն «Արմենիա» բժշկական կենտրոնում ենթարկվել է դատաբժշկական փորձաքննության։
Նրա պաշտպան Արսեն Մկրտչյանի գնահատմամբ՝ այն սիմվոլիկ բնույթ էր կրում, ինչն իրականացնելու համար, սակայն, պահանջվեց երեք ամիս ժամանակ։
«Տպավորությունն այնպիսին էր, որ ձեռքը կամ ոտքը կտրած մարդուն ասեն՝ արի տեսնենք՝ ձեռքդ կամ ոտքդ երկարել է, թե՞ ոչ։ Ի՞նչ փորձաքննության մասին է խոսքը, Մանվել Գրիգորյանն ունի քաղցկեղ, թոքը հեռացված է, իսկ օրգանիզմում շաքարի քանակն էլ 7-ից հասել է 23-24-ի։ Մանվել Գրիգորյանը մեկուսարանում ձեռք է բերել ինսուլինից կախվածություն, վիճակը ծանր է, և դա հասկանալու համար անգամ նման դատաբժշկական փորձաքննության կարիք չկար»,-Factor.am-ի հետ զրույցում ասաց Մանվել Գրիգորյանի պաշտպանը՝ հավելելով, որ սպասում են փորձաքննության արդյունքներին։
Արսեն Մկրտչյանը նշեց նաև, որ կալանքի երկարաձգման վերաբերյալ վճիռը Գրիգորյանի պաշտպանները բողոքարկել են Վճռաբեկ դատարան, որտեղից, սակայն, օրեր անց պատասխան չեն ստացել՝ հասկանալու համար բողոքը վարույթ կընդունվի կամ երբ կքննվի։
Աղավնի Սուքիասյան
