25.06.2026 | 23:51
Արմեն Մելիքբեկյանը մտադիր չէ առաջադրվել ՀՖՖ նախագահի ընտրություններում
ՆԱՏՕ-ի գլխավոր քարտուղարն Ուկրաինային խոստացել է ՀՕՊ համակարգեր և անդամակցություն դաշինքին
Քաղաքականություն
29.04.2024 | 22:24
Հյուսիսատլանտյան դաշինքն աշխատում է Կիևին հակաօդային պաշտպանության համակարգեր մատակարարելու ուղղությամբ և հույս ունի, որ Ուկրաինան կմիանա ՆԱՏՕ-ին, հայտարարել է կազմակերպության գլխավոր քարտուղար Յենս Ստոլտենբերգը։
«Բայց Ուկրաինան պետք է հնարավորինս շուտ համատեղելի դառնա ՆԱՏՕ-ի բանակների հետ: Ապագայում Ուկրաինան կդառնա ՆԱՏՕ-ի անդամ: Անդամակցության այս ճանապարհն անխուսափելի է»,- նրա խոսքերն է մեջբերում UNIAN-ը։
Ստոլտենբերգի խոսքով՝ ՆԱՏՕ-ն աշխատում է Կիևին մեծ քանակությամբ հակաօդային պաշտպանության համակարգեր մատակարարելու ուղղությամբ, քանի որ Ուկրաինան հաղթելու հնարավորություն ունի։
Ուկրաինայի նախագահ Վլադիմիր Զելենսկին Ստոլտենբերգի հետ համատեղ մամուլի ասուլիսում ասել է, որ ռազմաճակատում նախաձեռնությունն իր ձեռքը վերցնելն ու Ուկրաինայի Զինված ուժերի հնարավոր հարձակումը կախված են Կիևին զենքի ժամանակին մատակարարումից և միջազգային ֆինանսական օգնությունից։
«Այսօր ես դեռ դրական բան չեմ տեսնում այս առումով։ Կան պաշարներ։ Դրանք քիչ-քիչ սպառվեցին։ Այս գործընթացը պետք է արագացվի»,- հավելել է պետության ղեկավարը։
Ավելի վաղ Զելենսկին ասել էր, որ Կիևը և Վաշինգտոնը բանակցություններ են վարում առաջիկա տասը տարիների համար օգնության ծավալի շուրջ՝ որպես «ամենաուժեղ» երկկողմ անվտանգության համաձայնագրի մաս։
