30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Տաջիկստանում ՌԴ դեսպանին ԱԳՆ են կանչել․ նրան բողոքի նոտա են հանձնել
Քաղաքականություն
29.04.2024 | 18:35
Տաջիկստանում ՌԴ դեսպան Սեմյոն Գրիգորիևը կանչվել է երկրի ԱԳՆ, որտեղ նրան նոտա են հանձնել Ռուսաստանի Դաշնության տարածքում հանրապետության քաղաքացիների «իրավունքների խախտման» կապակցությամբ։ Այս մասին ՏԱՍՍ-ին հայտնել են Տաջիկստանի ԱԳՆ-ից։
Նշվում է, որ ՌԴ դեսպանին Տաջիկստանի ԱԳՆ-ն նոտա է հանձնել՝ «լուրջ մտահոգություն հայտնելով Ռուսաստանի տարածքում հանրապետության քաղաքացիների նկատմամբ ընդգծված բացասական վերաբերմունքի դրսևորման զանգվածային դեպքերի, ինչպես նաև նրանց իրավունքների ու ազատությունների խախտման հետ կապված»։ Նոտայի տեքստում ասվում է, որ «նման գործողությունները կիրառվում են բացառապես Տաջիկստանի քաղաքացիների նկատմամբ, որն արմատապես անհամատեղելի է ռուս-տաջիկական հարաբերությունների ոգու և ավանդույթների հետ»։
Տաջիկստանի ԱԳՆ-ն ավելի վաղ հայտնել էր, որ Մոսկվայի օդանավակայաններում պահվում են երկրի հազարից ավելի քաղաքացիներ, որոնք փորձում են մուտք գործել Ռուսաստան։ Նշվում էր, որ տաջիկստանցիները պահվում են ոչ նորմալ սանիտարահիգիենիկ պայմաններում և չեն ապահովվում տաք սնունդով։
