14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Երևանում կկառուցվի նոր, սանիտարական նորմերին համապասխան աղբավայր. Կամո Արեյան․ ՏԵՍԱՆՅՈՒԹ
Հասարակություն
24.08.2018 | 12:17
Նուբարաշենի բնակիչներին, որոնք երկու օր է, ինչ բողոքի ակցիա են իրականացնում, պահանջելով, գոնե, ժամանակավոր լուծում տալ աղբանոցի վատթար վիճակին, այսօր ընդունեց Երևանի քաղաքապետի ժ/պ Կամո Արեյանը:
Նա ասաց, որ արդեն իսկ համաձայնագիր է կնքվել նոր աղբավայրի կառուցման համար. «ՀՀ կառավարության և Եվրոպական վերակառուցման և զարգացման բանկի միջև կնքվել է վարկային համաձայնագիր, որ այդ նույն վայրին հարակից կառուցվի ժամանակակից քաղաքային աղբավայր, ծրագիրը վավերացվել է: Ընդամենը օր առաջ ստացանք պատասխանը Եվրոպական վերակառուցման և զարգացման բանկից, որ հաստատվել է մրցութային փաթեթը, և մենք կարող ենք արդեն հայտարարել մրցույթը նոր աղբավայրի կառուցման համար։ Լինելու է ժամանակակից աղբավայր` պարսպապատված, լուսավորության համակարգով հագեցած, ընդունիչ կետով, պահակային ծառայությամբ, կշեռքով»:
Արեյանը տեղեկացրեց նաև, որ 28 հա-ի վրա պետք է կառուցվի աղբավայրը, որը 1-2 տարվա ընթացքում պատրաստ կլինի:
Մանրամասները՝ տեսանյութում:
