06.04.2026 | 19:10
Աշխարհի գավաթ․ Արթուր Դավթյանը՝ ոսկե մեդալակիր․ ՏԵՍԱՆՅՈՒԹ
Անկարան բողոք է հայտնել է Չիլիի խորհրդարանի կողմից Հայոց ցեղասպանության վերաբերյալ բանաձևի ընդունման կապակցությամբ
Քաղաքականություն
25.04.2024 | 18:24
Թուրքիայի ԱԳՆ-ն հայտարարություն է տարածել Հայոց ցեղասպանության վերաբերյալ Չիլիի Պատգամավորների պալատի կողմից ընդունված բանաձևի կապակցությամբ։
«Չիլիի Պատգամավորների պալատի կողմից երեկ ընդունված 1915 թվականի իրադարձությունները որպես ցեղասպանություն ճանաչող բանաձևն առ ոչինչ է։ Խորհրդարանները պատմության վերաբերյալ մեկնաբանելու կամ դատողություններ անելու իրավասություն չունեն: Այս բանաձևը հակասում է նաև ՄԱԿ-ի 1948 թվականի «Ցեղասպանության հանցագործությունը կանխելու և պատժելու մասին» կոնվենցիային, որտեղ ասվում է, որ ցեղասպանության հանցագործությունը կարող է վճռել միայն իրավասու դատարանը»,- ասվում Թուրքիայի ԱԳՆ հերթական ժխտողական հայտարարության մեջ։
Հիշեցնենք՝ նախօրեին Չիլիի Պատգամավորների պալատը հավանություն էր տվել յուրաքանչյուր տարվա ապրիլի 24-ը Հայոց ցեղասպանության զոհերի հիշատակի ազգային օր հայտարարելու մասին բանաձևին:
