11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Չիլիի Պատգամավորների պալատը ապրիլի 24-ը հայտարարել է Հայոց ցեղասպանության զոհերի հիշատակի ազգային օր
Քաղաքականություն
24.04.2024 | 22:52
Չիլիի Պատգամավորների պալատը հավանություն է տվել յուրաքանչյուր տարվա ապրիլի 24-ը Հայոց ցեղասպանության զոհերի հիշատակի ազգային օր հայտարարելու նախագծին: «Արմենպրես»-ի փոխանցմամբ՝ այս մասին հայտնում է DiarioArmenia-ն՝ նշելով, որ բանաձևը ներկայացրել է պատգամավոր Քրիստիան Արայան՝ Չիլի-Հայաստան խորհրդարանական բարեկամության խմբի նախագահը, ով մարտին հանդիպել է Հարավային Ամերիկայի Հայկական ազգային խորհրդի ներկայացուցիչներ՝ Հակոբ Տաբակյանի և Արամ Մուրատյանի հետ։
«Հենց այսօրվա նման մի օր՝ 109 տարի առաջ, սկսվեց հայ քրիստոնյա ժողովրդի բնաջնջումը։ Ավելի քան մեկուկես միլիոն մարդ ծրագրված կերպով սպանվել է իրենց էթնիկ և կրոնական պատկանելության պատճառով․․․։ Ժամանակի առաջնորդները միտումնավոր անտեսում էին դա և թաքցնում անարդար անտարբերության քողի տակ, որը պահպանվում է մինչ օրս, բայց որին մենք բախվում ենք մեր նման հեռավոր երկրից՝ խոնարհաբար, բայց ամուր և եռանդով, բարձրացնելով մեր ձայնը նման անարդարության առջև, պաշտոնապես ճանաչելով հայ նահատակներին»,- նիստի ընթացքում հայտարարել է Արայան։
Քրիստիան Արայան իր ելույթում անդրադարձել է նաև Լեռնային Ղարաբաղում տեղի ունեցած իրադարձություններին՝ ընդգծելով․ «Այն ժամանակներում, երբ հայ ժողովուրդը կրկին ենթարկվում է անարդար հարձակման, երբ Արցախը ենթարկվում է ներխուժման, իսկ նրա քաղաքացիները ստիպված են լինում լքել իրենց տները, երբ տերություններն ու միջազգային կազմակերպությունները անտարբեր նայում են մի կողմ, ես չեմ կարող չհպարտանալ, որ Չիլիի խորհրդարանն ունի հեռատեսություն և համակողմանի մոտեցում՝ բարձրացնելու իր ձայնը ցեղասպանության առաջ, որին ենթարկվել են հայերը»։
2007 թվականի հունիսի 5-ին Չիլիի Սենատը հաստատեց մի բանաձև, որում նա համերաշխություն էր հայտնում հայ ազգին՝ դատապարտելով հայ ժողովրդի ցեղասպանությունը և Չիլիի կառավարությանը խնդրեց «հավատարիմ մնալ նրան, ինչը համաձայնեցված էր 1985 թվականին ՄԱԿ-ի կողմից։
