27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Շվեդիայում համոզված են, որ Թուրքիայի տնտեսական ճգնաժամը սպառնալիք է Եվրոպայի համար
Քաղաքականություն
23.08.2018 | 19:19
Շվեդիայի քաղաքական շրջանակներում համոզված են, որ ներկա պահին Թուրքիան ամենամեծ սպառնալիքն է ստեղծում այս երկրի տնտեսության համար. փոխանցում է ermenihaber-ը:
Մասնավորապես «Ձախերի» կուսակցության նախագահ Յունաս Շյոսթեդը թեմայի վերաբերյալ հետևյալ մեկնաբանությունն է արել․
«Էրդողանը միայն Թուրքիայի համար չի ժողովրդավարական աղետի պատճառ դարձել, նա վատ առաջնորդ է ողջ տարածաշրջանի համար։ Նա երկիրը տանում է դեպի տնտեսական կործանում։ Երբ հանդիպում են այնպիսի երկու կերպար, ինչպիսիք են Էրդողանը և Թրամփը, ամեն ինչ կարող է պատահել»։
Շվեդ պատգամավորի կարծիքով՝ չնայած այն բանին, որ Թուրքիայի տնտեսությունն առանձնապես մեծ չէ, այդ երկրի տնտեսական խնդիրները կարող են անդրադառնալ եվրոպական բանկային համակարգի վրա։
Մյուս կողմից, Շվեդիայի ֆինանսների նախկին նախարար Անդերս Բորգը նույնպես մտահոգություն է հայտնել Թուրքիայի տնտեսական վիճակի վերաբերյալ՝ համարելով, որ Թուրքիան շատ ծանր ճգնաժամ է ապրում։
Բորգը նկատել է, որ նախագահ դառնալուց հետո Դոնալդ Թրամփը բոլորովին այլ արտաքին քաղաքականություն է վարում՝ օգնելու փոխարեն կործանիչ հարվածներ հասցնելով այլ երկրների տնտեսություններին։ Իսկ Թուրքիայից ներմուծվող ալյումինի և պղնձի համար սահմանված հավելյալ հարկերը, ըստ շվեդ գործչի, էլ ավելի վատթարացրին Թուրքիայի առանց այդ էլ վատ վիճակը և Էրդողանի կառավարությանը կանգնեցրին ֆինանսական քաոսի սպառնալիքի առաջ։
