24.06.2026 | 18:46
Ավետիք Չալաբյանը երկու ամսով կալանավորվեց
Կանադան Airbus-ին թույլատրել է օգտագործել ռուսական տիտանը
Քաղաքականություն
24.04.2024 | 22:29
Կանադայի կառավարությունը թույլատրել է Airbus-ին օգտագործել ռուսական տիտան երկրում ինքնաթիռներ արտադրելու համար՝ չնայած Օտտավայի կողմից Ռուսաստանի Դաշնությունից տիտան արտադրող «ВСМПО-Ависма»-ի դեմ սահմանված պատժամիջոցներին: Այս մասին հայտնել է Reuters գործակալությունը։
«Airbus-ը տեղեկացվել է, որ Կանադայի կառավարությունը պատժամիջոցներ է կիրառում «ВСМПО-Ависма»-ի նկատմամբ և ստացել է անհրաժեշտ թույլտվություն՝ ապահովելու Airbus-ի գործողությունների անվտանգությունը՝ կիրառված պատժամիջոցներին համապատասխան»,- հայտարարել է Airbus Canada ընկերությունը՝ ի պատասխան Reuters-ի հարցման։
Ըստ աղբյուրի՝ այս որոշումը Airbus-ին թույլ կտա «ճկունություն ապահովել Կանադայում իր գործարանների համար» և «կցրի մտավախությունները», որ դրա գործունեությունը կարող է տուժել Կանադա Airbus ինքնաթիռների ներմուծման փաստացի արգելքի պատճառով, որի արտադրությունը զգալիորեն կախված է տիտանից։
Ռուսական «ВСМПО-Ависма» կորպորացիան տիտանի խոշորագույն արտադրողն է աշխարհում: Այն հայտնվել է կանադական պատժամիջոցների տակ 2024 թվականի փետրվարին։
